145
16
2
等級2
21
0
最近朋友推介呢間新開嘅石燒店,兩個原因:好食、抵食。早排特意訂座試一試。長話短說,呢度嘅肉類的確係幾鮮幾夠檔次,服務亦都好貼心👍🏻。但套餐餸菜份量上真係要睇住嚟食,略嫌未夠盡興,係一個少少嘅瑕疵。今次同朋友一齊點選咗厚切牛舌拼牛五花定食 $98 同埋鹽燒牛肋骨肉拼豬肋條定食 $98。定食都包咗前菜、白飯同味噌湯,今餐加配咗小食日式餃子 $15 同埋兩杯特飲熱柚子蜜 (+$8) 以及桂花果釀四季春(+$10)。用手機落好單後,店員好貼心咁提供一次性圍裙比客人用,上菜都上得好快。先嚟嘅係厚切牛舌拼牛五花定食。定食賣相一流,前菜漬物幾開胃,石燒方面有四片牛五花同四條厚身牛舌條。店方提供咗幾舊牛脂去塗抹石面、兩款燒肉汁,驟眼睇都好令人期待。但到另一個定食上菜時,二人檯嘅位置已經唔多夠。鹽燒牛肋骨肉拼豬肋條定食同樣,牛肋骨同豬肋條各有四件,單睇肉塊嘅油脂分佈同紋理都知食材非常好。燒嘅過程非常順暢,因為肉質好,牛肉輕輕燒一燒就已經好快熟,唔需要刻意留意火喉,一轉色就食得。牛舌條放上石面時顯得有啲細份,燒時要注意各側轉色後仍要燒多一陣;而豬肋條比想像中無咁多油,補上牛脂塗抹一下,燒起上嚟都非常易掌控
更多
最近朋友推介呢間新開嘅石燒店,兩個原因:好食、抵食。早排特意訂座試一試。長話短說,呢度嘅肉類的確係幾鮮幾夠檔次,服務亦都好貼心👍🏻。但套餐餸菜份量上真係要睇住嚟食,略嫌未夠盡興,係一個少少嘅瑕疵。
今次同朋友一齊點選咗厚切牛舌拼牛五花定食 $98 同埋鹽燒牛肋骨肉拼豬肋條定食 $98。定食都包咗前菜、白飯同味噌湯,今餐加配咗小食日式餃子 $15 同埋兩杯特飲熱柚子蜜 (+$8) 以及桂花果釀四季春(+$10)。
用手機落好單後,店員好貼心咁提供一次性圍裙比客人用,上菜都上得好快。
先嚟嘅係厚切牛舌拼牛五花定食。定食賣相一流,前菜漬物幾開胃,石燒方面有四片牛五花同四條厚身牛舌條。店方提供咗幾舊牛脂去塗抹石面、兩款燒肉汁,驟眼睇都好令人期待。
厚切牛舌拼牛五花定食
$98
1 瀏覽
0 讚好
0 留言
但到另一個定食上菜時,二人檯嘅位置已經唔多夠。鹽燒牛肋骨肉拼豬肋條定食同樣,牛肋骨同豬肋條各有四件,單睇肉塊嘅油脂分佈同紋理都知食材非常好。
鹽燒牛肋骨肉拼豬肋條定食
$98
0 瀏覽
0 讚好
0 留言
燒嘅過程非常順暢,因為肉質好,牛肉輕輕燒一燒就已經好快熟,唔需要刻意留意火喉,一轉色就食得。
0 瀏覽
0 讚好
0 留言
0 瀏覽
0 讚好
0 留言
牛舌條放上石面時顯得有啲細份,燒時要注意各側轉色後仍要燒多一陣;而豬肋條比想像中無咁多油,補上牛脂塗抹一下,燒起上嚟都非常易掌控火喉。
0 瀏覽
0 讚好
0 留言
到起筷時問題就嚟喇......未燒時睇落都夠多肉,但其實餸飯嚟講其實肉塊真係唔多夠😅。大概食完啲肉後,其實仲有小半碗飯未食完,味道上兩個套餐啲肉類都係有水準嘅,但份量上可能要再研究點加多啲配料,咁食起嚟會更盡興。
0 瀏覽
0 讚好
0 留言
配料仲有半件冬菇,單以套餐而言真係唔多夠餸。
0 瀏覽
0 讚好
0 留言
加配嘅餃子剛好配埋剩低嘅小半碗白飯,都叫仲夠餸飯,味道就不過不失。
日式餃子
$15
1 瀏覽
0 讚好
0 留言
比較有驚喜嘅係跟餐嘅味噌湯👍🏻。湯內嘅豆腐店方整成豆花,賣相固然加分,味道上亦都更加細滑,本身豆味都好夠,口感既有層次感亦都好順口。
味噌湯
0 瀏覽
0 讚好
0 留言
飲品似乎唔係牛匠石燒嘅強項,口味普通偏甜,相比街邊手搖飲品略顯失色,整體中規中矩。
桂花果釀四季春
0 瀏覽
0 讚好
0 留言
熱柚子蜜
1 瀏覽
0 讚好
0 留言
假日午市時段嘅牛匠石燒好旺場,就算訂咗座都要等一等。訂座大概等5-10分鐘就入到;如果walk-in可能要再等多10分鐘,時間都叫合理。食物質素方面燒肉類都喺水準之上,而其他小食、飲品都同普遍同類餐廳相近。整體而言非常值得一試,但點餐時可以叫多啲肉嚟燒,咁會更加滿足!
(以上食評乃用戶個人意見 , 並不代表OpenRice之觀點。)
張貼
評分
味道
環境
服務
衛生
抵食
用餐途徑
堂食
人均消費
$125 (午餐)
推介美食
厚切牛舌拼牛五花定食
$ 98
鹽燒牛肋骨肉拼豬肋條定食
$ 98
味噌湯