僕之拉麵 (已結業)

朋友仔話要食拉麵🍜，搵下搵下就搵到呢個僕之拉麵，好彩唔洗等位，一到就有得入去食，位置又唔算太窄，坐得幾舒服。係門口已經見到播緊片介紹緊佢嘅超多肉拉麵，依家仲做緊期間限定海老愛食者拉麵，賣相好吸引，但一到落單店員就話已經售罄，好可惜，只好下次早啲嚟試吓。我就係咁咦叫咗個最基本嘅叉燒拉麵試下，叉燒有4塊，肉質好嫩滑而且唔肥，溏心蛋賣相好靚得嚟又好味。仲有佢有清湯濃湯俾大家選擇，我就叫咗鹽味清湯，加埋蒜蓉同胡椒粉，成個湯好惹味，而且麵質彈牙，好快就啜曬成個拉麵，清爽而不膩👍🏻👍🏻👍🏻