影片
更多
2015-09-26
535 瀏覽
同食肉獸朋友出街食咩好，梗係要揀有肉嘅放題店先滿足到佢啦，是晚係尖咀揾食，黎左食韓燒。好彩有book枱，全場爆滿，walkin唔使諗有位了。晚餐時段$208一位，另加左$38升級，多啲野食揀吖嘛，任食任食兩個鐘，抵食吖。簡單餐具，網燒，燒汁，基本上肉味已經好正，都無乜點個汁。汽水任飲，有可樂，七喜，c.c提子同蘋果汁，如果叫酒或特色飲品要另加錢。坐低會送上呢五小碟前菜，新鮮醃制，爽口無味精，留返黎包生菜包先。餐牌上好多唔同野揀，牛豬雞羊海鮮，實有一款啱你口味，除左燒肉，仲有韓國菜架，海鮮餅，炒年糕，湯，窩，真係咩都有，多到唔知食咩先好添。是晚叫左好多野呀，好正，朋友大愛銀雪魚，encore再encore，另外個煎蛋包什錦幾特別，好似天婦羅咁，但不用脆漿而係蛋漿，食落有啲似西多士，哈哈～燒燒燒，燒到個鋼開始黑店員會黎換新網，幾好喎，唔使燶哂。啲肉燒一陣已經食得，好快熟，海鮮就睇到佢收水啦，有蒜泥係上面，燒起上黎好香。好正好正，個人堆介帆立貝，牛脷，牛排骨，牛脛肉，肉眼扒，嘩嘩，我地都覺得牛肉好正，又係要encore n次。淨食肉有啲膩，叫返個韓國麵豉生菜整生菜包先，新鮮生菜加韓式辣醬，再
好彩有book枱，全場爆滿，walkin唔使諗有位了。晚餐時段$208一位，另加左$38升級，多啲野食揀吖嘛，任食任食兩個鐘，抵食吖。
簡單餐具，網燒，燒汁，基本上肉味已經好正，都無乜點個汁。汽水任飲，有可樂，七喜，c.c提子同蘋果汁，如果叫酒或特色飲品要另加錢。
坐低會送上呢五小碟前菜，新鮮醃制，爽口無味精，留返黎包生菜包先。
餐牌上好多唔同野揀，牛豬雞羊海鮮，實有一款啱你口味，除左燒肉，仲有韓國菜架，海鮮餅，炒年糕，湯，窩，真係咩都有，多到唔知食咩先好添。是晚叫左好多野呀，好正，朋友大愛銀雪魚，encore再encore，另外個煎蛋包什錦幾特別，好似天婦羅咁，但不用脆漿而係蛋漿，食落有啲似西多士，哈哈～
燒燒燒，燒到個鋼開始黑店員會黎換新網，幾好喎，唔使燶哂。啲肉燒一陣已經食得，好快熟，海鮮就睇到佢收水啦，有蒜泥係上面，燒起上黎好香。
好正好正，個人堆介帆立貝，牛脷，牛排骨，牛脛肉，肉眼扒，嘩嘩，我地都覺得牛肉好正，又係要encore n次。淨食肉有啲膩，叫返個韓國麵豉生菜整生菜包先，新鮮生菜加韓式辣醬，再加泡菜同熱辣辣嘅肉，好好味呀。題一下趣聞一則，隔離枱嘅大陸人見我地包住食，佢又叫個生菜黎包住食，但食左一啖就話啲菜生嘅點食，最後擺左啲菜落去燒，真係口味嘅野好個人嘅
海藻湯，好多蜆肉好鮮甜，正。仲有呢個紅炆牛肋骨又係必叫！！炆得又淋又入味，啖啖肉，湯底鮮甜，成窩連湯底食哂。一窩大概分到四碗，人多share會好啲。
餐牌上寫著食個半至兩個鐘，但夜晚呢轉正呀，我地八點入坐食到十點幾，無人等位就可食耐啲架食物頗大份，兩個人唔叫到太多款熟食。另外呢度唔似外邊啲放題舖寫紙，佢係店員落單的，落咁多黎咁多，完全無漏單！
張貼
