Mini Friday (銀城廣場) (已結業)

今晚同男友食西餐，套餐最吸引，有齊沙律、餐湯、主菜，仲有加1蚊有甜品。我地揀左肉眼扒餐，同自選材料意粉餐。入座就有香脆小食，幾香口脆身，唔會油膩，配酒一流，但有埋醬沾就便好。餐湯係南瓜湯，有點中式湯的味，較淡同口感薄，不過有南瓜甜味，而且唔會膩。沙律夠哂凍，個醬係凱撒沙律醬，味道幾重，好開胃清爽。碳燒美國頂級牛肉眼扒配黑松露燒汁超級大塊肉眼扒，夠兩人分享，五成熟好嫩滑多肉汁，牛肉味濃郁，燒汁幾香，但松露味唔突出，反而配菜的薯蓉，有好香黑松露味，配菜好鮮嫩好味。煙鴨胸溫泉蛋芝士忌廉汁天使麵溫泉蛋好滑蛋味突出，拌勻令天使麵更滑更濕潤，個醬好濃好有芝士味，正好襯返煙鴨胸的濃味。Tirusmiu 好鬆軟好綿，有微微咖啡味，奶香同微甜，仲有陣特別香味，都接受到，整體味道不錯。