影片
更多
2018-02-08
19 瀏覽
尋晚9點幾喺尖沙咀做完野，同同事一齊去附近揾野食，同事開頭想食快餐店漢堡，我就話不如俾多少少食d好食d既漢堡，就去美麗華商場L2睇下burgeroom收左未，原來佢哋營業到晚上12:00我哋去到大約10點左右，都仲有大把時間order同食！餐廳位置都多，寬敞，我哋揀左張檯再睇餐牌揀食物，落單係需要自己到bar檯嗰邊落單的，之後會有專人送到！餐廳提供各式各樣的漢堡，主打牛肉為主的漢堡，也有海鮮為主既漢堡，最令人覺得窩心既係連素菜堡都有提供！當然也會有薯條同其他小食揀！由於我哋兩個都好肚餓，所以都即刻走左去落單，食物都好快送嚟，首先有黑松露芝士薯條！ 薯條炸得非常脆口，加埋上面有少少咸味既黑松露芝士，非常惹味，我同朋友都唔駛再加任何醬汁！好快就俾我哋食晒！食食下薯條，我杯green tea lattle都合時送上，為食薯條帶來既熱氣降降温，呢杯lattle綠茶味濃，加上滑滑既鮮奶，非常好飲！幾乎漢堡都未送到就俾我飲晒！終於嚟到今晚既主角漢堡包啦，我同事就叫左個雙層牛肉芝士漢堡，我就叫左菠蘿煙肉牛肉漢堡，餐廳非常細心，會切一半上碟，我哋都交換左一半嚟食，打開個漢堡會發現非常足料！嗰塊漢堡扒足
餐廳位置都多，寬敞，我哋揀左張檯再睇餐牌揀食物，落單係需要自己到bar檯嗰邊落單的，之後會有專人送到！餐廳提供各式各樣的漢堡，主打牛肉為主的漢堡，也有海鮮為主既漢堡，最令人覺得窩心既係連素菜堡都有提供！當然也會有薯條同其他小食揀！
由於我哋兩個都好肚餓，所以都即刻走左去落單，食物都好快送嚟，首先有黑松露芝士薯條！ 薯條炸得非常脆口，加埋上面有少少咸味既黑松露芝士，非常惹味，我同朋友都唔駛再加任何醬汁！好快就俾我哋食晒！
食食下薯條，我杯green tea lattle都合時送上，為食薯條帶來既熱氣降降温，呢杯lattle綠茶味濃，加上滑滑既鮮奶，非常好飲！幾乎漢堡都未送到就俾我飲晒！
終於嚟到今晚既主角漢堡包啦，我同事就叫左個雙層牛肉芝士漢堡，我就叫左菠蘿煙肉牛肉漢堡，餐廳非常細心，會切一半上碟，我哋都交換左一半嚟食，打開個漢堡會發現非常足料！嗰塊漢堡扒足足成塊手掌咁大，煎到剛剛熟，肉汁多，嫩滑，每啖都充滿肉汁滲出嚟，牛肉味濃，用料足！ 我比較喜歡我個菠蘿堡，除左肉汁多的漢堡扒外，仲有件酸酸甜甜既菠蘿，令到個漢堡扒更清新！
我同事話下次想食高質漢堡，又多個選擇！
張貼
