M3 Italian (已結業)

如果唔係朋友住附近，講真唔會行黎呢到附近，佢就介紹佢平時成日去嘅餐廳，但係我都無太大嘅期望由於係放工之後去，所以都已經幾攰下，我決定交由朋友決定今晚食啲咩好，亦都係因為佢介紹黎呢到嘅首先上嘅係前菜，香煎法式鵝肝伴砵酒蘋果，估到味道好豐富同有層次，相當肥美嘅鵝肝，本身會有油膩嘅感覺，但係配上一片片清甜嘅青蘋果，可以平衡膩感之餘，仲有清新嘅味道，再者有酸酸嘅黑式砵酒汁，味道較似黑醋醬，酸酸地好開胃跟住嘅主菜係西班牙乳豬配薯蓉及紅椰菜，真係有點驚喜，乳豬皮烤得好脆，惹味到停唔到口，好邪惡啊，而豬肉係超軟滑，用叉輕輕一拮，就已經骨肉分離，仲每一啖都充滿肉汁，一啲都唔乾身，再配下面沾滿肉汁嘅薯蓉，整體都唔錯最後再食埋嗰檸檬凍霜做甜品，賣相比一般港式西餐嘅甜品精緻，中間有酸酸嘅檸檬流心，清爽嘅味道，可以一洗之前菜式嘅油膩味，但係口感唔夠軟滑，算係咁啦