更多
2022-06-12
2202 瀏覽
2022 6月11日星期六食lunch 自助餐,85折後每人實收$454,呢度越嚟越差,職員20分鐘都唔收碟,仲要每次都企響抬邊等你遞碟比佢收,唔遞既佢就「出聲叫你」遞,雖然我座卡位,但我D碟都放中間或出面位置,佢一彎少少身已經好容易攞到,但係佢連彎身都懶,凱悦酒店喎,無5星都4星啦,點解會變成咁??10%服務費我確實唔想比,因為差唔多無服務可言!甜品位成日冇人,有職員明明見到有客都照行開,如果真係有野要做我唔怪佢,但我見到個女職員係行去攞起個用過嘅鐵盆,攞起左少少之後又照放返去原位,好想立即同經理投訴,不過經理自己都見到,之後叫第二個人去幫手but雪糕。果位偷懶女職員成功地偷懶唔洗做之後高峰時期經理有安排多3-4人分甜品,另一個新入職女甜品師都好既,雖然乜都唔識不過見到佢係願意去做,所以後段情況都好返少少。食物好食嘅,不過無龍蝦,無長腳蟹,無蠔,座位好座,有卡位,雖然食物種類少不過多數都好食嘅,最大敗筆係員工,大部分員工都唔得,最好就係個經理,經理已經閙足全場先控制到少少,廚師都好既,我聽到大廚一直提點如何控制火候。餐碟變細左,太細好麻煩,要行出行入多幾次,攞魚生佢件件切到細細粒,無
甜品位成日冇人,有職員明明見到有客都照行開,如果真係有野要做我唔怪佢,但我見到個女職員係行去攞起個用過嘅鐵盆,攞起左少少之後又照放返去原位,好想立即同經理投訴,不過經理自己都見到,之後叫第二個人去幫手but雪糕。果位偷懶女職員成功地偷懶唔洗做之後高峰時期經理有安排多3-4人分甜品,另一個新入職女甜品師都好既,雖然乜都唔識不過見到佢係願意去做,所以後段情況都好返少少。
食物好食嘅,不過無龍蝦,無長腳蟹,無蠔,座位好座,有卡位,雖然食物種類少不過多數都好食嘅,最大敗筆係員工,大部分員工都唔得,最好就係個經理,經理已經閙足全場先控制到少少,廚師都好既,我聽到大廚一直提點如何控制火候。
餐碟變細左,太細好麻煩,要行出行入多幾次,攞魚生佢件件切到細細粒,無錯呀!要用「粒」字去形容。每件魚生不會大過5 x 5 cm,熟食既你攞多少少,少少既意思係「3」件,職員就會好緊張咁企去你前面望住你!
我呢個buffet 精,一星期食三次buffet, 講真呢間 CP 值低,不過佢都有優點就係人少,當日星期六都係入座2/3 到。
上面中間就係魚生,呢件係攞到既最大片魚生,放響細荔枝隔離係差唔多大細,因為冇乜野食所以食生果。生果都甜嘅。
希望以後有所改善,不景我對凱悦情有獨鍾,外遊多會選擇它做落腳點l。
張貼