阿四車仔麵 (已結業)

呢日搵咗個住粉嶺嘅老友喺聯和墟見個面吹下水食下飯，佢推介咗呢間阿四車仔麵，朋友話抵食夾大件！朋友今日叫咗碗招牌麵($58)，一碗麵九個餸，好足料。朋友特別推介豬大腸整得好入味，同埋蘿蔔燜得軟腍入味，絕對唔係馬虎出品。呢碗麵大大碗，相當抵食!我由於早上已經食咗啲野，所以只係叫咗個三餸麵($38)，滷水蛋+魚皮餃+牛腩，牛腩又整得幾好食啵，有肥有瘦，啱我口味!另外睇睇餐牌，叫咗三款小食，每款只係廿蚊，呢個價錢真係幾吸引! 炸唐揚雞塊：雞肉肉質幾鮮嫩，又唔會話用好多炸粉，配埋個醬料非常之惹味!腐乳生菜：一味好簡單嘅麵檔小食，腐乳汁係精華所在，兩條友話咁快就清晒！炸墨魚卷：墨魚卷係平時打邊爐好鍾意食嘅野，貪佢啖啖肉！食到墨魚嘅口感，炸得好香口！我地分別嗌咗杯凍檸茶同埋特色樽仔奶茶！另外要提一提店員服務態度幾好，會主動幫手落單同埋執野，抵讚！