田中日本料理

營業中

休息中

我都幫襯過田中都有五次以上，每次都會隔幾個月先去食一次，尋日又再去左食。雖然次次都要等位，但通常都大顆兒一齊去，o係出面吹下水，其實都好快有位。我覺得限時間食野對我冇咩問題，因為一有位，入到去幾分鐘就會上菜。好多時食半個鐘就真係差唔多食晒，仲有少少時間坐一陣，再去b記食糖水。佢地既水準都算保持，因為每次去食既野都冇乜大改變，我最鍾意0食佢地戈度既甜蝦，次次都要叫兩Round﹗哈哈仲有就係雞翼餃子，個汁唔太甜，又淡淡肉﹗仲有就花之卷同饅魚炒飯。每次都必家會叫呢幾樣野，視乎人數，可能會加多幾樣小食。之前試過個茄子，真係好好味，不過我都係食過一次，因為小妹對茄子敏感，上一次食完個咀即刻腫左……服務都ok啦，因為次次去都係好多人，我諗個個都係做到木無表情咁囉。