炑八韓烤 (黃金廣場) (已結業)

讀書真係好辛苦，考完試要黎慰勞下自己先！韓式燒烤有一樣嘢好吸引我，就去前菜可以任食，燒到熱辣辣，黎一口凍冰冰嘅涼菜，加上特製嘅荔枝梳打，真係開胃又解膩😍特級牛肋骨～長長嘅牛肋骨好吸引，韓式醬汁醃過，入口甜甜地，好吃又特別。牛舌（原味）～原味撈了少少胡椒鹽調味，入口爽口彈滑，無雪味。厚切五花腩～食肉獸至愛，五花肉肥瘦均勻，大大件，個人鍾意燒完加啲韓式辣醬、爐邊蛋、芝士，用生菜包住食，又fresh又惹味，好有喺韓國嘅感覺。炑八特製護心肉～用韓式醬汁醃過，吃起來甜甜地，有彈性有嚼頭👍🏻泡菜煎餅～即叫即整，上枱嘅時候，仲係熱辣辣，趁熱食，外脆內軟，啖啖都充滿泡菜粒。