東歐餐廳 (已搬遷) 新店位置

睇過報紙介紹及經o個friend推介後，昨天中午與同事就去試一下。入面環境唔錯，真係好似置身在東歐的餐廳。除了老細係中國人外，其餘D waitress我估係烏克蘭人。中午的set lunch都唔貴，79蚊有四道菜，而且有好多選擇，每道菜都什至湯及沙律都有三款俾你揀，而主菜有六七種俾你選擇。我o地5個人叫了四個set lunch及叫多一個main course，我o地d主菜有豬排、燒春雞、燒三文魚、磨菇雞卷及豬肉腸。這幾樣都幾好味連D配菜有磨菇同紅蘿蔔都好好味，總體都唔錯。o個老細都好nice呀！問我o地覺得d野好唔好食，又俾佢D老婆仔女的相俾我o地睇(因為佢老婆係烏克蘭人)。最後因為我們5個人只有4個set lunch，佢仲送多一杯餐飲給我o地。下次有機會試下食dinner。