食物質素果然在線，冇好華麗既擺盤裝飾，但樣樣都係真材實料👍一般酒樓既價錢食到高質滬菜，性價比不錯。
1
❣️核桃燻蛋
頭盤選擇咗核桃燻蛋，糖衣核桃香脆可口，燻蛋帶淡淡煙燻味。
❣️百頁紅燒肉
五花肉非常驚艷，燉煮得好入味，而且入口即化肥而不膩。百頁結嗦曬啲汁，好啱送飯。
❣️賽螃蟹
柔軟既蛋白食落真係有淡淡既蟹味，加小小醋直頭可以以假亂真添。撈埋蛋黃一齊食，口感更順滑。
❣️樟茶大鴨
食落好香，應該係茶葉同埋樟木既香味。大鴨肥瘦適中，肉質軟嫩。但皮太淋，呢一點有啲失望。
❣️火腿津白
金華火腿風味濃郁，同柔軟鮮甜既津白一齊食，真係絕配！個汁都好好味，忍唔住用黎撈飯食。
❣️豆沙鍋餅
豆沙餡軟綿香甜，但鍋餅略嫌太硬身，脆口一點會更好。
