韓舍 (已結業)

今日帶住兩位寶寶出旺角等老公收工出外食下晚飯，點知咁上下時間老公要ot，只好我地食自己，行到創興知道好多野食，一睇就揀左韓舍～上到去等左一陣～首先我要話比兩位寶貝知媽媽出去拎野食，好在兩個寶貝有野食就好乖坐定定～肉類款式多，雞柳，雞翼都有兩種味，我就拎左黑椒牛肉粒，五花腩，原味雞翼，香辣雞翼，牛肉片，龍脷柳，豬頸肉，茄子，翠玉瓜～係我燒緊既時候不忙出去拎熟食比寶貝食住先～有餃子，麥樂雞，pizza，有炒面，湯，糖醋排骨，飯～所以先拎些小熟食比寶貝～兩位寶貝好滿足，食左好多肉甜品款式也算多，有炒雪糕機，有綿花糖機，有4款味道既雪糕～由於兩位寶貝病好冇耐甜品就比小小佢地～食物款式多，熟食已經有10款以上，也有小量刺身，價錢也算便宜，下次可以帶埋老爺奶奶一齊再食，唔洗忙死我