店內食客不少，老板同店員都相當熱情😆睇睇餐牌點咩好物。
⭐鮮蝦米紙卷
老板是晚推介鮮蝦米紙卷，包住青菜香葉等好清新，好喜歡食米紙卷因為佢好味又低卡，健康之選😋
⭐老趙無骨雞飯
朋友話佢好肚餓要食碟飯，叫左份無骨雞飯，雞件嫩滑鹹鮮，飯係油飯黎，食落勁香，就算唔配餸食都食到成碗，好好味🤤
⭐咖喱牛腩煲跟法包
咖喱牛腩煲份量勁足料，成煲都係牛腩牛筋，已炆得軟🤤口感好正，咖喱汁香口，用法包吸晒啲汁食勁好味。
⭐牛油雞翼
呢樣一上枱已聞到超香！咬落勁脆又多汁，蒜香牛油香湧出黎，必食推介😍
⭐鹹檸檬梳打 & ⭐斑蘭椰汁紅豆冰
最係再飲埋杯香甜紅豆冰好滿足😆鹹檸梳都正，鹹鹹酸酸好清爽。
食到收檔，唔唔，原來舖頭收九點半，想食記住早啲到啦。
