影片
更多
2016-08-15
791 瀏覽
今天係我放19日假的第15日終於約到舊拍檔食飯聚吓舊,咁耐冇見食餐好啲啦,揀咗去{心鉄板燒}主打西日式混菜,而且聽聞老細係肉商對啲牛肉充滿期望呀。我哋一行四人就坐呢張枱喇,餐廳都好細心一坐低就送上圍裙畀我哋即時加分。 我哋兩人食牛兩人唔好所以叫咗份二人套餐$1480/2位,和兩份一人套餐$680/位。盛宴由刺身沙律作開端,有不少新鮮沙律菜仲有吞拿魚和帶子刺身粒加上三文魚子,酸酸的幾開胃。餐湯我揀咗松露磨菇湯,松露味夠香湯亦滑口,飲落去感到好足料好飲呀。 同一時候師傅已準備埋意大利莎莎醬多士,清清的莎莎醬配香口法包像老友記一樣合拍。 呢兩個盅被老婆誤以為係LC的出品,其實你店家從日本訂購回來的! 入面嘅係香草牛油焗銀雪魚,經煎過嘅銀雪魚魚油略為減少入口會冇咁漏,味道帶香濃牛油味我鍾意呀,如果魚肉再嫩啲仲更加好食。 接力係慢煮南非鮑魚,好耐熱的膠袋,睇住佢慢慢滾起好有快感呢!!煮起後師傅便將浸過日式汁料的鮑魚起殼再燒香才奉獻畀我哋。鮑魚砌到靚仔晒再配柚子海苔泡泡一齊食,鮑魚質地夠晒淋滑,味道幽香好味喎,不過對紫菜海苔敏感的我沒辦法試柚子海苔泡泡了,但係淨吃鮑魚已夠過癮啦
今天係我放19日假的第15日終於約到舊拍檔食飯聚吓舊,咁耐冇見食餐好啲啦,揀咗去{心鉄板燒}主打西日式混菜,而且聽聞老細係肉商對啲牛肉充滿期望呀。
我哋一行四人就坐呢張枱喇,餐廳都好細心一坐低就送上圍裙畀我哋即時加分。
我哋兩人食牛兩人唔好所以叫咗份二人套餐$1480/2位,和兩份一人套餐$680/位。
盛宴由刺身沙律作開端,有不少新鮮沙律菜仲有吞拿魚和帶子刺身粒加上三文魚子,酸酸的幾開胃。
餐湯我揀咗松露磨菇湯,松露味夠香湯亦滑口,飲落去感到好足料好飲呀。
同一時候師傅已準備埋意大利莎莎醬多士,清清的莎莎醬配香口法包像老友記一樣合拍。
呢兩個盅被老婆誤以為係LC的出品,其實你店家從日本訂購回來的!
入面嘅係香草牛油焗銀雪魚,經煎過嘅銀雪魚魚油略為減少入口會冇咁漏,味道帶香濃牛油味我鍾意呀,如果魚肉再嫩啲仲更加好食。
接力係慢煮南非鮑魚,好耐熱的膠袋,睇住佢慢慢滾起好有快感呢!!
煮起後師傅便將浸過日式汁料的鮑魚起殼再燒香才奉獻畀我哋。
鮑魚砌到靚仔晒再配柚子海苔泡泡一齊食,鮑魚質地夠晒淋滑,味道幽香好味喎,不過對紫菜海苔敏感的我沒辦法試柚子海苔泡泡了,但係淨吃鮑魚已夠過癮啦!!
師傅中場燒咗D南瓜,茄子同翠玉瓜比我哋歇一歇,迎接我最期待的牛牛啊。
我哋呢個二人餐有三款牛食,食足三個來自世界各地的珍品,先來係美國牛柳。
選了五成熟的牛柳,熟度合格,質地夠淋,煎封得不俗內裡還有肉汁,牛肉味亦算不錯,整體合格啦。
再嚟呢件日本鹿兒島牛肩就更精彩,同樣五成熟的牛肩,油份明顯豐腴,入口軟綿肉質細膩,牛味更香濃令人屏息以待呢。
最後巴西牛舌師傅話佢哋只會用上牛舌最中心那舊肉架咋!!
牛舌相當脆口趙頭十足,而且煎得好香喜歡彈牙口感的朋友一定歡喜。
吃碟季節野菜,清除充滿濃郁肉香的口腔後再踏上美食征途。
老婆炒飯吃得多小女子炒飯又有咩特別呢,飯炒得不錯算乾爽,味道都啱啱線。
原來小女子即係呢個魚乾經過加工浸泡才用來炒飯,味道甜香冇腥味幾正喎。
食幾件漬物再嘆埋個芝麻雪糕銅鑼燒就滿足晒了,老友記快啲再約時間食飯呀知冇哈哈哈......
心鉄板燒 尖沙咀亞士厘道17-19號18樓 Tel:26572880 張貼
