影片
更多
2018-08-26
970 瀏覽
香港不愧為美食天堂，無論邊個國家邊個地區嘅菜式都會有得食，以前去北京旅遊最喜歡食佢嘅北京片皮鴨同埋羊肉，近排有啲掛住想食北京菜，所以前兩日就去咗灣仔合和中心7樓嘅“北京老家”品嚐一下。佢哋嘅裝修非常有特色充滿老北京 嘅感覺，有面譜、胡同等等具有北京特色嘅裝修，餐廳地方寬敞，如果多人可以坐房，方便聚會同埋傾計。我哋兩個人所以食得唔多，見到其他客人點北京片皮鴨、松子魚等都好吸引，但係奈何我地兩個人應該食唔曬，唯有下次同屋企人一班人先至食。麻辣土豆絲 $72土豆即係薯仔將薯仔切成幼絲，然後用麻辣醬汁撈勻，麻辣味唔太勁 對我嚟講呢個作為前菜非常好。大娘燒肉餅 $108呢個大娘燒餅係將大量肉碎釀入燒餅裏面，肉碎榨菜等味道濃郁，將材料釀入燒餅裏面，燒餅外表燒到香脆，裏面肉味豐富，一鹹一淡中和作用，非常好味。鐵板羊肉 $88鐵板羊肉令到我食到北京嘅味道， 羊肉同大葱鋪滿鐵板上面上碟，又熱又香，羊肉微微嘅騷味配上好味到大葱，食完一碟想再encore。擔擔麵 $72非常濃郁充滿花生香味嘅擔擔麵 係我另一起愛嘅北京食品，擔擔麵係師傅手打而成，當晚師父仲即席表演拉麵，就係因為有人手拉而成，所以麵條粗幼不一，
佢哋嘅裝修非常有特色充滿老北京 嘅感覺，有面譜、胡同等等具有北京特色嘅裝修，餐廳地方寬敞，如果多人可以坐房，方便聚會同埋傾計。
我哋兩個人所以食得唔多，見到其他客人點北京片皮鴨、松子魚等都好吸引，但係奈何我地兩個人應該食唔曬，唯有下次同屋企人一班人先至食。
麻辣土豆絲 $72
土豆即係薯仔將薯仔切成幼絲，然後用麻辣醬汁撈勻，麻辣味唔太勁 對我嚟講呢個作為前菜非常好。
大娘燒肉餅 $108
呢個大娘燒餅係將大量肉碎釀入燒餅裏面，肉碎榨菜等味道濃郁，將材料釀入燒餅裏面，燒餅外表燒到香脆，裏面肉味豐富，一鹹一淡中和作用，非常好味。
鐵板羊肉 $88
鐵板羊肉令到我食到北京嘅味道， 羊肉同大葱鋪滿鐵板上面上碟，又熱又香，羊肉微微嘅騷味配上好味到大葱，食完一碟想再encore。
擔擔麵 $72
非常濃郁充滿花生香味嘅擔擔麵 係我另一起愛嘅北京食品，擔擔麵係師傅手打而成，當晚師父仲即席表演拉麵，就係因為有人手拉而成，所以麵條粗幼不一，但口感非常，彈牙軟硬適中，值得推介。
高力豆沙 $88
最後食埋甜品高力豆沙， 但相對起其他餸菜呢個甜品稍為失色，佢外表沾滿砂糖，質感非常好，但係就稍嫌豆沙少咗啲。
整體嚟講餐廳嘅北京菜非常地道，口味絕對有老北京嘅感覺。
張貼
