抹茶館 (已結業)

平時老公至憎等位，但見到佢深愛嘅抹茶就無法啦~ 先要讚一下 Reception 姊姊，本身我地之前仲有一張兩日檯，但係佢見我地推食 BB 車又咁啱果一刻果張檯個位易放好多就幫我地問前一個 number 果 pair 情侶介唔介意讓我地先，lucky!我叫咗個輕食 set，有湯、熱狗同沙律。個湯普通，個熱狗其實一啲都唔輕食，又腸又照燒雞扒，彌補左老公個沾麵無餸，味道就好好，如果佢可以輕手啲落少啲醬就更好。沙律好新鮮係份量細左啲。老公叫左個辣肉碎叉燒沾麵，個汁味道幾好，但餸就真係少得可憐，拉麵幾彈呀整體黎講其實唔錯。跟餐叫左凍末茶，好濃但唔會有苦澀味，正!埋單 $2xx，可以再 encore!