抹茶館

黑蒜义燒拉麵湯好香黑蒜味，义燒肉厚(肥肉多左d)义燒大大塊，蛋好流心麵口感彈牙(不會太淋身)流心蛋三色炸蠔(燒汁，沙律，辣椒醬)炸粉不算厚身，蠔好鲜味多汁蠔算大隻午市餐~多選擇…查看更多

同好友約好交換手信，去到沙田搵食，食完午餐後逛街！行完又去食甜點！我同佢都喜歡綠茶，所以佢介紹呢間比我！去到剛好對面裝修起咗圍板，所以走廊窄咗，景觀欠奉！店內和式淺木傢具清新！坐低一人一份甜點！店員好快整好！黑蜜抹茶蕨餅（$39）和式擺盤，配有一杯熱茶，一碗蕨餅賣相正常，蕨餅煙煙韌韌，軟身彈牙，抹茶粉微甘！味道唔錯！係茶香爭啲！配嘅煎茶夠熱，配蕨餅好夾！抹茶白玉新地（$54）朋友食！賣相靚，試咗抹茶雪榚，軟滑但無乜茶味！白玉煙韌彈牙！ok!店員係後生女，無乜表情，上菜放低就走，埋單都唔會出聲，放低收據就轉頭來收走！交收零交流！（當時得3枱客，唔係好忙）地方及食物都唔錯，不過服務就cool啲！…查看更多

自己並不是抹茶控,不過有friend想試一於奉陪,原本以為全部食物都同抹茶有關,意外地有其他選擇,而且味道唔錯,令人驚喜首嘗自家製他他醬清甜醋炸雞丼,醬汁酸甜有少少微辣,唔食辣嘅人都接受到,開頭以為份量好少,最後竟然有剩,自問唔係細食但都有剩,份量都幾多,一個女仔食會覺得好飽,白飯是珍珠米混普通米,珍珠米有咬口唔錯,伴上生菜蕃茄沙律,至於炸雞粉薄雞肉嫰滑,有別於韓式炸雞,各有各好,整體主菜唔錯。:)不過未必會再食因冇咩特別,而且店員態度有待改善,去食飯都要受氣…查看更多

曾經每次去新城市廣場都會到抹茶館食飯，因為近小朋友商店，方便小朋友玩，又方便我購物。但是經過今天第三次不滿他們這店的入座安排，及帶位侍應的奇差態度後，決定以後唔會再去！！！事緣上次明明已經到了我取得的電子取票的號碼，後補時應該到我，但帶位的女侍應叫我重新攞飛，因為她說都只有我一個等四人枱。之後有幾張四人枱空出，她就開始叫那些取了二人枱號碼的坐四人枱。我問她為何不是叫我那張號碼，她竟然說我取的號碼的時間遲過那些取二人枱號碼的⋯⋯ 囧！明明已經叫過我之前那張電子取票號碼，即係我那張號碼是早過那些二人枱號碼的。根本她是應該比我後補，但竟然叫我再取一張新號碼，這樣的安排完全錯誤！當我跟她說是她要我取一張新票才導致我的取票時間較遲，她也沒有解釋，我繼續跟她理論後，才讓我們入座。期間並沒有其他店員或經理出現了解。今日仔仔又想到反斗城玩，所以我哋又到抹茶館食飯。我們一行四人，當時水吧的一位女侍應準備帶我們入座時，突然話原來暫未有位，叫我們出去再等一等。之後老公帶了女兒去換尿布，我和兒子繼續等候。誰不知另一位女侍應再叫四人枱號碼時，並不知道有我們這張後補號數正在等候。於是我上前告訴她我是之前的後補號碼，及丈夫跟女兒到隔鄰洗手間換尿布。當她聽到時，她的態度已經像不願招呼並以呼喝的態度叫我們等一等。之後得到水吧女侍應確認我們曾經齊人及被安排入座，於是她告訴下一個號數的客人要等多一張才到他們。數分鐘後，這位帶位女侍應突然又叫下一個號碼的客人入座，跳過了我們的號碼，於是我再上前查詢為何不是讓我們先入座，她卻說我們未齊人。她說店面有寫明要齊人才可以入座。我即時跟水吧女侍應對質，我們之前第一次被安排入座時已齊人，為何還當我們未齊人，要這樣留難客人呢？最後我都沒有心情再光顧這食店，食飯=受氣？No Way!! 這位女侍應態度真的其差，其實之前都體驗過她的奇差態度及留難客人事件，所以不會再有下次！…查看更多

食過幾次抹茶館，自從第一次嗌過甜品之後，覺得普普通通，之後都冇再食過啲甜品，反而覺得佢地啲丼飯仲好食。今次我地兩個人叫咗一個火炙刺身三文魚親子飯和和風柚子醋香味炸雞肉飯。三文魚有普通刺身及火炙刺身，加埋三文魚籽幾鮮味；而柚子醋炸雞飯雞肉香脆多汁，醬汁酸酸甜甜，係穩陣之選。偶爾想簡簡單單食啲日本嘢可以揀呢間。…查看更多

我同女朋友都喜歡食抹茶，近日見到抹茶館開到周圍都係，所以就諗住去試下我地一人三行叫左三杯野飲加一個甜品要推介既係杯抹茶雪糕，冰好大粒，可以承托住唔俾個抹茶雪糕下沉，個抹茶雪糕既抹茶味好重～之後就係個雪芭，最上果層有紅豆、果肉，食落口唔覺得好甜，但中間有一層CREAM，我就唔係好重意，食果時都係食少少就算但整體黎講係唔錯既～值得推介…查看更多

星期一嘅晚上，沙田市中心嘅食肆都有好多位，最後選左呢間抺茶館，因為好懷念京都嘅抹茶。佢嘅餐牌以圖片為主，所以一目了然，我點咗個山椒豬肉飯和一杯牛奶抹茶，以為山椒豬肉飯是辛的，原來只係好多䓤，不過味道ok! 牛奶抺茶有好重抺茶味，但係就甜咗少少，不過勝在夠熱，而且價錢不貴，只是$29。之後再點左2個甜品，不過唔記得影相，一個係抺茶紅豆湯丸+抹茶，另一個係抹茶卷。我覺得甜品都比較偏甜，如果味道可以淡少少就好了！…查看更多

星期日6點零黎到，排左半個幾鐘終於到，見到有好多款豚肉飯，最後叫左個燒汁沙律醬豬肉飯，本身無咩胃口，但呢個醬汁好開胃，個汁係有啲偏甜既，連埋啲肉都幾juicy, 隔離有堆沙律，有pat酸酸地既醬，可以中和下，不過個人喜歡分開放，因為啲菜太多撈唔到個飯不過同場男朋友仔食到變晒樣，佢叫左個滑蛋豬扒飯，果然係好難食，唔好講係滑蛋，係熟蛋先岩，啲豬扒層皮淋既，塊肉仲要係無咩味，好似食柴咁堅係差加錢叫左個餃子雞翼，好似四十幾蚊，好普通，味道有點淡，唔值呢個價曲奇朱古力抹茶，茶都幾濃，但pat cream 感覺好heavy, 唔係好岩我口味…查看更多

第一次去，吃了特盛黑麻油豬骨湯拉麵，感覺不錯。其後去了數次，試了不同的拉麵、飲品和甜品，都還好。再上一次去，已經是半年前，一家四口去吃晚餐，媽媽帶着小孩先上旁邊的洗手間，我和女兒先到餐廳。店員問了句：「人齊未?」我回復:「有兩位在洗手間。」店員説：「人齊才可人以入座!」我說：「後面都沒有人在等位!」店員拋了一句：「公司規矩！」便不屑的走開了! 我們只好到對面的Pizza Hut。之後半年都沒有再光顧!直到昨天，一家四口去吃午餐。點了四份餐後，要求「奉送」的飲品後上。店員卻說餐飲不可分開上! 我問：「為什麽?」店員又抛一句：「公司規矩！」天啊! 這食店真多規矩！連茶餐廳能做到的，他們都做不到, 真是一家只會收服務費，但不提供朋務的差劣食店!…查看更多

揸車黎沙田去玩具反斗城買玩具，因為就黎開生日會啦！契仔契女份禮物點少得呢？買完同老公周圍搵野食，最後揀左抹茶館餐牌好似更改過，之前不是這樣的，叫左芝士雞肉蕃茄忌廉烏冬味香又濃，我睇表面我以為得芝士同忌廉，仲心諗：蕃茄呢？點知飲啖汁先feel到香濃的蕃茄味，表面睇無紅色的，相信係已經將蕃茄磨爛晒，烏冬彈牙有咬口！黎到梗係唔少得叫個甜品啦！抹茶最中御膳成Set野都好日本feel，有一球綠茶雪糕，又凍又甜，仲有一排紅豆蓉，好似豆沙餅入面d豆沙，好甜，連埋兩塊似遮既餅又夠靚啦！…查看更多

剛剛今天星期六12點同老婆加兩個朋友打算去食。入去，我話4位。個waiter話要齊人先可以入，要我拿飛等位。我話你半個場都空位，都唔比我坐？兩個waiter都話系唔比坐。癡線，馬上走人。如果比較Full要我等就話，無人都唔比坐……查看更多

今個星期黎左，沙田好多人，四個人等位等左10分鐘✌🏾️最後要左個抹茶軟心朱古力芭菲，抹茶餡蜜同滑蛋吉烈豬扒飯，另外仲有杯蕎麥茶😛芭菲黎左，緊係食啖雪糕先，幾有綠茶味，但係好鞋，好似台灣嘅軟雪糕(比較冰)❄️❄️唔夠軟滑😖粒朱古力話係軟心，但其實唔係😂😂😂😂面頭有紅豆蓉，中間d脆脆同底有d寒天，都幾有口感👍🏻抹茶餡蜜有d生果、丸子仲有球雪糕。另外有碗仔抹茶寒天☺️生果同丸子無咩特別，但球雪糕同芭菲個軟雪糕有d唔同，呢個比較滑d，綠茶味就唔係特別濃🤔而抹茶寒天無咩味，雖然本身寒天係無咩味，但諗住係綠色應該會有小小綠茶味😂滑蛋吉列豬扒飯反而係最有驚喜嘅😁有幾舊蕃茄同小小菜做配菜，加上滑蛋，顔色睇落去已經好靚💗豬扒比較實個唔會好厚，個炸粉都唔會好厚，岩岩好👍🏻都幾好食嘅😛杯蕎麥茶無咩特別，不過食左咁多野，有杯蕎麥茶清下都唔錯🙈抹茶館食過兩次都係好普通，綠茶嘅甜品同飲品都毫無特色😅…查看更多

去沙田新城市shopping，醒起之前啲friend成日傾起有間專門出品同抹茶有關嘅鋪，今日就順便過嚟試下....:):):)行咗下哩層，發覺有好多好野食，而且間間餐廳都排曬長龍。排咗差唔多一個鐘先到我地吖！建議過咗晚上八點先過嚟，會少人啲..我妹點咗份烏冬麵，係培根芝士味嘅，食多左會覺得幾滯我就點咗份辣韓式炸雞，炸雞嘅味道同我係韓國食嘅好似，外面嘅麵粉唔多而且好脆，入面雞肉都好嫩仲有芝麻醬伴生菜，雞蛋拌飯個人唔係好鍾意，因為蛋太生食唔慣抹茶餅，淋咗黑糖再食，甜度啱啱好仲送咗一細杯茉莉綠茶，味道幾香…查看更多

星期日去食, 有成10個人係外面等緊位, 我3個人, 唔洗等位就入到@@ 出乎意料的快~我地坐入面, 環境幾舒服, 座位寬敞, 都算靜~ 傾到計, 幾好!原以為呢度只有甜食, 原來仲有正餐食~ 選擇都頗多不過今次打算食甜品, 所以下次先試正餐啦!我地叫左個朱古力 + 柚子既芭菲各一，另外仲叫左個matcha cream cheese~先說這個matcha cream cheese, 有點中伏的感覺, 唔喜歡食cream既你唔好試~佢上面係一大pat cream +抹茶粉, 畢到落底就係用抹茶整既cream cheese~都幾芝士架~成哂成個真係會好濟....所以佢配埋個綠茶比你飲~  不過最好4-5個人share會易d KO佢~至於個芭菲, 其實以50幾蚊黎講真係不太抵, 雪糕份量太少了, 而且配料真在太.....有點令人失望，　以我的柚子為例, 忌廉佔了整個杯的1/3, 然後就是穀麥般的脆片, 三粒白玉, 柚子醬一pat, 再加jelly 狀的東西...完全是不值50多元的東西, 我吃完後沒有物超所值的感覺!  真的有點失望哩....不過綠茶雪糕是好的食。…查看更多

去沙田搵朋友 沙田沒太多甜品店 所以選擇了抹茶館 平時要等位 但因為我地比較晏 又係平 所以人唔多 一到就有位叫了這個抹茶蕨餅 滿滿的抹茶味 抹茶豆腐 好香豆味 同時也有抹茶味 有啲廢話 但平時出去食多數會得一種味 但啲個兩種味合二為一 比起另外兩個 這有點失望了…查看更多