約左屯門友係 “ 翡翠小廚 “ 食個晚餐 ,
屯門屯隆街3號屯門市廣場2期1樓30-31及55號舖
有套餐 , 小菜 , 點心 , 仲有打冷潮州小食 ,
今次4 個人 , 可以叫多d 不同既食物 ,
就叫左1 個2 人套餐 , 1 個孖寶套餐 .
2 人套餐有2 個湯 , 叫左一個燉湯同海鮮豆腐羹 ,
燉湯味道好濃郁 , 而豆腐羹就足料 .
鹵水鵝片雙拼 ~ 份量唔太多 , 味道唔錯 , 鵝片煮得好入味 .
潮式蒸班球 ~ 4 個人食 , 岩岩好一人一片 , 夾埋D 配菜食同汁 ,
幾層味道 , 效果又唔錯 .
鹵式骨濃湯大芥菜煲 ~ 諗住會好苦 , 點知入口又唔係喎 , 苦苦地甘甘地咁 ,
食落又幾好味 , 再飲埋D 湯 , 湯底夠濃 , 配埋大芥菜 , 夠晒下火丫.
之後就到孖寶套餐 ,
潮式梅膏骨 ~ 呢個係職員推介 , 話係招牌菜好多人叫既 ,
一上枱就見到咁肥膩 , 大家都話係咪中左招丫 ,
點知人口鬆軟 , 口感好滑 , 而且味道香濃 , 真係好正 !
胡椒花甲雞煲 ~ 胡椒味道岩岩好, 唔會太濃郁同搶喉 ,
花甲好新鮮 , 配有雞肉 , 令到湯底鮮甜好多 .
炒飯 ~ 食左咁多湯煲 , 都唔係好飽肚咁 , 所以就加多個炒飯 ,
賣相真係麻麻 , 但味道都 OK .
