翡翠小廚

小弟都好耐無去過潮式茶樓，今次同家人游走屯門時，母親話想去便走來這間店。當然小弟是第一次食啦。一講潮州食物，一定要食鹵水鵝啦，雖然鹵水味唔錯，但一碟鵝片得兩舊嫩，就有點失望。白飯魚十分大條，但香脆味不足，炸漿無味。點心正常。奶皇包無落咸蛋黃，始終無咁香口（雖然各有造法）。紅豆味就有，但椰漿味？十蚊一粒，味道一般。比較重味同正常。比較實的馬拉糕，一樣唔夠香。今次三個人，價錢正常，但有唔少地方失望，也可能是小弟期望過高，部分點心話即蒸要等，不過飲得茶就預坐下。上菜速度正常，環境舒適，可以久唔久食下。…查看更多

服務好，有禮貌，上菜快，每碟送都好好味!!!又坐得舒服， 推介!! 成餐飯$745，其中$100 係切餅費同開瓶費。 本身話限時一個鐘十五分鐘，但過左時都唔會趕你走推介蜜汁欖角骨，炸大腸。…查看更多

這裏原來也有點心也有午市套餐食的。選擇也有好多，價錢也扺食啊！！點了兩個午餐，一個菠蘿咕嚕肉，好快就上，賣相好，有青椒，菠蘿，紅椒，咕嚕肉比較特別，係一片片咁的，有些芝麻，幾淋身，香口，同埋好味，酸酸甜甜開胃，菠蘿也是甜的！青紅椒爽脆，配白飯一碗，白飯好淋身，十分白身！！另一個餐，咸魚雞粒豆腐煲，也不是等了好耐，也是大份同夠晒熱辣辣。咸魚味不算好濃，有好多雞肉粒，夠淋，豆腐也多汁同軟身，有葱粒，送飯好正！！飲品熱柚子蜜，夠晒大杯，一片檸檬，好味又多柚子蜜，好清甜！！餐廳環境也幾大，舒適服務也好好，經常加茶。店員有禮貌…查看更多

平時多數假日食午飯，今次係因為費事等位，晚飯比lunch貴是常識吧，但那個孖寶餐五、六、日居然加多$20，還要加一呢，走漏眼滷水原無得揀鵝片同鵝有關嘅只有鵝腎、另配腩肉跟豬蹄，算了吧，反正都落梗單⋯⋯雪菜茄子炆鮮腐竹超標鈉，要配個靚仔才行，而且有點油膩。山楂咕嚕肉同平時食開嘅味道差不多感受唔到山楂獨有嘅酸味，不過肉泡過油比較甘香。蠔仔肉碎粥就不用多說係我至愛，一定要「審」胡椒粉僻蠔仔鯹味，方魚令整碗粥變得更香。春風得意炒飯夠哂得意啦以蔥嘅香辛帶出味道來，灑上脆蝦皮更加鮮味。孖寶中的牛肝菌牛柳粒最為出色牛肝菌好像有點牛油甘香嘅味道，牛柳粒鮮嫩又唔靭，值得一試。…查看更多

公司同事食LUNCH,又揀番呢間翡翠小廚~~其實都食過幾次啦! 每次食都唔錯~ 保持到水準滷水唔錯~唔會死鹹! 有幾款組合, 鵝片, 豬耳, 腸, 豆腐, 腎(叫左幾碟)同事一講呢間就想食呢味餸, 炸大腸~上一次食差唔多大半年前? 都係係呢到食~炸大腸都屬於唔會成日食同成日食到既菜式~今次無上次食咁脆, 上次就燶左少少, 今次顏色好靚~淺嚐左一舊仔就算啦~!魚~菜~又係滷味併~最後就係點心!點心質素都幾好~味道各樣都唔錯,款式又唔少~都叫左好幾款! 鳳爪, 燒賣蝦餃呢D必食啦~!我仲叫左個咕嚕肉!  幾好食,唔會太酸OR太甜~不過如果再脆D就好如果以叫小菜黎計, 每碟個份量都算少....不過食LUNCH SET的話都差唔多!冷氣好凍, 去食既話要帶番件外套!!!…查看更多

原本以為這間是上海店，一心想吃小籠包，怎知打開餐牌完全找不到想吃的東西。唯有重新再思考過想吃什麼。先被鮮檸香酥雞吸引，我喜歡吃甜甜酸酸的食物，酥炸食物啱晒小朋友。可惜雞肉太少，未能有啖啖肉的回感。但那個汁很開胃，提高了這菜的評分。雜菜煲則較普通，勝在大堆頭，有不少種類蔬菜，配合魷魚和蝦乾，很惹味。炒飯令我有驚喜，味道出色，配合菜甫，增加了層次感，值得推介。糖醋麵是我的至愛，不是很多地方有，而且這店炸得不油膩，不像其他食店成碟油，這裡較爽身，而且味道很好👍。另外，我也欣賞此店的鐵觀音，雖然茶類選擇不多，只有普洱及鐵觀音，但鐵觀音的花茶味很清香，我一個人也可喝一整壺😋…查看更多

潮洲菜一向都喜歡，這裡隔了大半年沒有來，仍然感覺店鋪環境舒適乾淨。有午市套餐、炒粉麵飯、點心、小食、甜品等已供選擇，款式幾多，而價錢亦算合理。每次來都揀點心和滷水鵝，這天想轉轉口味，選擇吃套餐，古法豆腐斑球煲餐及魚香茄子餐，等了約15分鐘到來了，看到兩煲賣相都好吸引。套餐可配白粥或白飯再有飲品，而古法豆腐斑球煲餐就配了白粥，煲𥚃的炸斑球肉質結實鮮嫩，不是咬落淋淋的口感，石斑魚新鮮美味，豆腐香脆嫩滑，煲內還有火腩肉、蒜子、辣椒和大蔥的配料，惹味撲鼻。至於魚香茄子餐就配飯，一開煲蓋，鹹魚香氣四溢，吃每一口不會過濃，味道適中，最好就是配白飯，恰到好處。每個套餐可選一杯飲品，我們異口同聲都要熱柚子蜜，清香微甜，除了柚子蜜糖還有片檸檬，味道不會一般，有清新香味的感覺。食物質素保持原有風味，滿意的一餐，很不錯呢！…查看更多

都有好幾個月冇去食，之前小龍包都偶有驚喜，皮薄多汁，但今次非常失望，小龍包冇湯、皮又厚，以為食緊便利店嘅叮叮點心。幸好木須肉炒拉麵救返哩一餐，其他食物都保持到水準。…查看更多

今日同好同事一家人黎食佢既生日飯，佢帶埋佢個BB黎，星期五晚上竟然無乜人大把位😮侍應好細心安排左一個方便嘅卡位俾我地坐。因為同事個老公個肚仔胃有啲唔舒服，所以呢我哋叫啲清清地嘅潮式蝦球肉碎粥一鍋，送口都要食個麵就叫個糖醋麵，好清咁叫咗個上湯浸時蔬，見到鮑魚雞湯只係呢賣＄48好抵飲就叫咗一中咁同事有一個最愛嘅餸叫做「蛋煎豆腐？」😂好好味架但我唔記得個名，因為佢同兆康某酒樓既黃金三層樓一樣樣～～味道都一樣😂好味就得，上面有啲蠔油菇菇絲蛋豆腐煎得香仲有啲蔥好好味。鮑魚雞湯就正常味有粒手指頭大小的鮑魚仔，雞翼滑。上湯浸時蔬湯有味既但都係就靠菜上面啲金華火腿絲調味。糖醋麵餅唔夠厚一面少少脆但一夾起就散晒。潮式蝦球肉碎粥因為潮州粥係唔使棉，用咗肉碎同方魚煮粥底湯好味，蝦球爽脆彈牙大隻鮮味。好飽～～…查看更多

以前去都不用等位，自半年以來開始要攞飛等位，或許係食物越來越好質素吧。去到邊都好，只要有蠔仔粥我自然會想食喜歡蠔嘅鮮味、湯飯嘅濕濕地，無食飯嗰種「笠」口，有肉碎同方魚，帶出鮮甜。避風塘茄子避風塘不足即味道唔夠囉，一般般。午市套餐魚香茄子煲，份量十足，同咖哩雞扒一齊滾住上枱，魚茄煲唔辣合哂老爸撈飯食，另一種茄子風味。咖哩雞扒我第一次試炸脆雞扒充斥咖哩味，味道適中，又係撈飯嘅好伴侶。欖菜肉碎四季豆有一絲絲嘅欖菜有四季豆，味道唔太鹹，叫做整餐有碟蔬菜類食吓。見到推廣手工啤「本幫啤」第一次聽這名字，我稍為有意思試吓，侍應姐姐即落力講解，純天然釀造架、香港製造架～點點點⋯⋯比較淡口，不過成份幾特別有少少花香味，午餐隊支啤確實有點「麻甩」…查看更多

屯門既翡翠小廚愈做愈差 以前食過都覺得食物ok。最近一次去，同男朋友食晚餐，非常失望!! 平日夜晚，入座率好少 好多吉台 本來冇為意點解咁吉，食過先知 點了大眼雞凍魚 (潮式煮法) 炒面 魚乾煎蛋(忘記了準確既菜色名稱) 凍魚極速上台，可能因為冷盤所以廚房已預早準備好。但魚肉好乾，好老，感覺好唔新鮮 炒面味道最正常，普普通通。煎蛋煎到好老最後食左5百幾...唔會再去，不推介…查看更多

假期晚飯時段周圍都好多人，因有小朋友關係,都想快d坐底食飯吾想等太耐， 大人餓得小朋友吾餓得嫁嘛！ 見喱到等一張就食喱間啦 🙆🏻 我地叫左個椰子湯底既雞鍋， 聞就好香椰味， 但食落就較淡（不突出） 另外有位女侍應主動幫我地落雞落個煲到， 我地都覺得服務不錯， 但有點美中不足既係，落雞時彈湯彈左兩次， 始終熱湯都驚彈到小朋友整體食物味道都不錯👌🏻反而蝦有點失望，口感吾彈牙同有點實肉甜品既綠豆爽，好好味， 味道好清甜，又有口感，值得一試…查看更多

星期日午飯時間要等位嘅⋯⋯都唔會差得去邊啦，假日都有午市套餐，不過今次只叫左一個餐，同每次必食嘅蠔仔粥，兩老要食菜，先黎碟金銀蛋白菜仔有些蒜子，有味道之餘又清清地。午套嘅榨菜五花肉腩肉好薄，味道一般般黑椒金錢肚無黑椒又唔辣，勝在味濃又夠淋。鳳爪反而辣辣地。。係未將個醬唔覺意撈亂左？蝦餃熱辣辣皮薄餡靚蠔仔粥好多蚵又有柴魚同肉碎湯味道不鹹不淡食出蚵仔鮮味～正～…查看更多

我同老公點咗一個 $288二人套餐， 湯可以揀嚟湯或者海鮮羹 ，有個冷盤加兩個餸。但係餸個份量明顯比平常少，还不包白饭。茶水$8一人，热水都要收。再加10%surcharge,觉得套餐不值。…查看更多

隱蔽的餐廳, 所以無咩人食｡服務也好好｡有專為甜水而設的menu,叫左甘露龜苓膏,出奇地龜苓膏好有藥材味, 食完口中回甘留得耐, i like it｡可變成慢慢坐食糖水的地方｡其他小菜都好食, 係份量少左d, 平均88元再加一｡最出奇好食係芋頭咸肉五殼炒飯,健康又好味…查看更多