東海海鮮酒家(宴會廳) (已結業)

星期一中午與一位朋友去美麗華東海食午飯，啲侍應向我們推介一個叫回歸宴的套餐，嘩！見到有咁多嘢食只是每位$198，咁咪試下囉，果然無令到我們失望！每位人客先送一杯豆漿，在炎熱的天氣中，令我有透心涼的感覺，有很濃郁的黃豆味！左手日式沙律 - 啲沙律比平時食個啲沙律好味及滑，問起啲侍應，原來係真正的日本沙律，怪不得咁好味道啦濃湯雞燉翅 – 真是超多料，有雞腳、魚翅、菜，啲湯很清，完全見唔到有油，最啱我呢啲怕肥之人，味道亦很不錯蒜茸蒸扇貝 – 帶子蒸得啱啱好，感覺很新鮮，用左少許烏冬陪襯，頗有新鮮感高湯煨時蔬 – 係唐生菜，很適合我喜歡清淡的口味紅燒BB鴿 – 真是〝正〞到不得了，新鮮熱辣脆卜卜，很夠味，但若大隻啲更好仲有〝竹筒排骨飯〞及〝菜肉包〞，個樣很吸引，香噴噴，但我真是飽到食唔落，跟住仲有甜品，愛好甜品的我感覺前所未有的滿足！個套餐每位190另加一小賬，埋單計每人220元，價錢合理，食物質素很好，環境舒服，啲服務員都很殷勤招呼。值得去試！