東海海鮮酒家(宴會廳) (已結業)

Happy Thanksgiving!Think-out-of-the-box, we didn't have turkey this year but celebrate Thanksgiving in Chinese style, Hairy Crabs!Did not know they have such a valuable dinner set before, thought it's around serveral hundreds per crab; but when I look at the menu, Wow, $280 for dinner set with so many dishes. We arrived at 7pm and not many people, but after a while, it became full house. So popular....佛跳牆 is very nice, I don't eat shark fin but the soup is so good and warm me up in the freezing

3人叫了3個$280/人大閘蟹餐 最先到小籠包, 大大隻, but 無人地鴻星咁多蟹粉... 大閘蟹...上檯時熱辣辣...每人2隻蟹公, 食完一隻先上另一隻, but 無咩蟹味, 但總算ok.. 佛跳牆...勁抵食, 湯料超正....有花膠雞腳, 江瑤柱, 仲有很多翅....很足料...湯底很甜..淨係飲呢碗湯都起碼要過百蚊..但我比同事飲得慢...吃完湯料, 仍剩下半碗湯...一邊掛住與同事傾計...待應走過來就即刻拎起我個碗想收起..嘩..有無攪錯..仲有成大碗湯...我隻手仲拎住匙更...一望都知仲未飲完啦.....真是離譜!!! 蟹粉蒜蓉飽...蒜蓉飽熱辣辣...but 蟹粉唔香...很多蟹肉, 但無咩蟹膏.. 上湯生菜....我地3個人...成碟俾得幾條...每人差點分唔到2條菜....真寒酸...試明生菜有幾貴?! 酸辣湯鳥冬...味道ok. 薑汁湯丸...這個不錯..3人埋單$840, 原來$280/人 已包加一茶介...整體算超值....

訂了台7:30, 早了15分鐘到達, 伙記帶我同老公到偏廳那邊近窗二人台. 老公去了洗手間, 奇怪事件發生了, 門口那扎馬尾姓姚知客走來一手拎了先生的chair, 講了聲:唔好意思借來一用! 除左對鞋企上去拎廚櫃上的A4紙!!!嚇到我呆, 咁多chair你唔用做咩要用已有人坐左既? 不過我唔想掃興, 即時冇話比老公知.坐落一會已覺得冷氣直吹很凍, 問可否閂細點, 伙記亞叔話check左冷氣已經無開! 問可否轉抬, 得到回答是 : 所有抬都被訂了無得轉. 我覺得很疑惑, 明明大部份抬都未有人坐, 我們何嘗不是訂了抬才來? 訂座時無人通知過我訂了那張抬, 不是到步才被安排坐位麼? 算喇. 叫兩個$280/人大閘蟹餐, 最先到佛跳牆, 幾好, 夠熱. 再來一隻蟹, 陸續多人, 我地前面係廚櫃位, 後面同則面都坐滿了客, 伙記亞姐不停在我身邊只有半尺的路穿插, 每次我都要9秒9則身讓佢,禮貌問佢可唔可以行第二條路, 點知換來奇怪回應: 我都唔想架. (即係點?)食完第一只蟹, 等左足足廿分鐘先再有第二隻蟹來, 伙計亞叔仲好溫馨提示我地小心熱, 但其實根本就唔係熱! 之後既情況食都係等等等,

秋風吃, 嘰嘰嘰~除左食臘味, 仲有大閘蟹食~10月中已經約定亞老友鬼鬼食大閘蟹,點知果個星期打風........雷聲大雨點小的3號風球,嚇得之前cancel左個約會~唯有改到上星期先去食,不過次次約親果個fd..., 唔係打風就落雨, 果晚亦都唔例外!係一條濕滑既公路, 加大量粗心大意既司機,大家都遲到了~~~~~~~~遲到唔緊要, 即係同老友鬼鬼飛上五樓開餐!嘻嘻^^一入到去就有位,坐好晒之後就落order,通知佢地可以上菜,我地個拆蟹行動正式開始!魚翅佛跳牆: 熱辣辣暖笠笠, 足料之餘仲非常好味, 我鐘意呀!蟹粉小籠包2隻: 又係好好味, 夠晒熱, 又多汁!江蘇大閘蟹: 佢地會先上一隻, 等你地食完就再上第二隻, 所以夠晒熱. 至於隻蟹, 無乜特別野講...因為好忙.......不停拆拆拆.. 食食食.....生拆新鮮蟹粉蒜容包: 包ok.... ,d蟹粉唔夠喉囉, 嘻~上湯灼時菜: 果晚我地係食生菜, 唔明點解佢地可以灼到咁爽咁脆囉酸辣湯手打烏冬: 不錯, 怕辣的朋友可以先"筆"起d酸辣菜~ 但我就覺得上年的烏冬好食d! 薑茶湯丸: 薑茶好味, 夠辣夠熱, 芝麻湯丸同平時的芝麻

香港人鐘意食蟹,我未到大閘蟹的季節已經留意大閘蟹的新聞喇~今年的大閘蟹貴左,我去左東海食二人起的大閘蟹套餐$280,有7樣食物,包兩隻公蟹,我覺得幾抵嫁佢地D服務態度真係好好,效率高,幾乎差唔多食完一道菜就即上第2道,而且好細心,同埋我BOOK 6點半,完全唔駛等位就先黎個魚翅花膠佛跳牆,湯清甜,足料,讚!然後每人兩隻小籠包,隻隻小籠包都皮薄,蟹粉又多,味道唔駛多講,正!主菜來了~每人兩隻大閘蟹^o^都係公蟹,東海都算係咁,大閘蟹套餐d蟹都唔太細隻,d膏都唔算好少,一打開個蟹蓋,d膏香已經撲鼻,口水都流埋出黎!二話不說就將蟹分開兩邊,一啖咬落d蟹膏度...哇...美味的感覺,唔係筆墨可形容XD然後就係蟹粉蒜蓉包,蟹粉蟹膏夾雜著蟹肉,一大啖放係脆脆的法包上,正!對唔住,E個菜忘了影相...再黎個嫩綠油生菜,好甜同爽口,雖然有D油,但係都接受到^_^之後就上酸辣烏冬,話酸辣又唔算好酸好辣,但係烏冬真係值得一讚,堅滑~我成碗食哂最後係薑茶湯圓~~無問題,而且湯圓甜甜的,薑茶暖胃~食完幾日都唔覺身體濕熱或腸胃不適XD果個星期六我再約3位朋友去食4人餐,坦白講4人餐就真係無咁抵食,因為蟹粉小籠包

家中有兩人同月生日，有老有嫩，還是吃中菜好。一行7人，點了魚翅鮑魚宴半圍 (HKD1198)另加一位 (HKD240)。以下是值得一提的幾款出品 :乳豬拼金沙骨 -乳豬雖化皮，金沙骨焦脆，但肉較乾，味偏淡。發財蒜子柱甫 - 獻汁夠熱，蒜子炸得透，江瑤柱和髮菜發得透，可盡吸獻汁。黃芽白也鮮嫩。竹笙雞絲生翅 - 一人一碗。材料夠，稀濃度、鹹淡適中。海斑 - 剛離骨，豉油鹹中帶鮮。鮑魚 - 一人一隻。冬菇夠厚夠香，獻汁偏淡。子薑糕 - 清香中有微辣，用以「過口」不錯，具新意。壽飽 - 飽皮軟熟，是即蒸的，蓮蓉不太甜，蛋黃也油潤。 總括而言，出品的整體味道雖較清淡，但飯後不感口乾；有個別賣相不夠整齊，但份量足，夠熱；招呼好，服務員醒目；價錢不貴，地點方便。

中秋後一天的下午，有家族聚會，又飲茶去，今次去了美麗華五樓的東海，可能是時間的問題，人流是比想像中少，接近一半的座位是空的。蝦蛟 – 是皮薄蝦靚，如果餡再多一點會更好。炸豆腐 – 很細粒，本身是外脆內滑熱辣辣但沒有味道，可自由點一些鹽令味道突出一點，感覺還不錯。鮑汁鳳爪 – 鳳爪煮了很久，就連皮也煮得有些分離，是幾入味的一款。豬腳仔 – 豬腳切片上，大部份也去了骨，皮也不太肥，貪得意可以吃一次。叉燒包 – 餡多包鬆，餡料不會只有汁，是好吃的。小籠包 – 皮算薄也沒有穿，湯幾多，一口咬下去湯汁也湧入口中，而豬肉餡料多，味道還算可以的。杯碟潔白如新，食物平均地不錯，輕笑一下吧。

媽媽生日她指定去東海,訂了位但到步發現冇記錄,服務員表示都有枱不用等太久,太好星期6不用等位,等了1會有枱近門口.坐了一會服務員有較靜的枱於是到了只有3枱的房用歺.4個点了730元全包歺,有翅,鮑魚另加了3隻招牌壽包花膠翅很足料花膠很大隻好臨,翅一排排的但不太熱鮑魚很鮮味小排骨好鬆趣味道很好不太甜

不知不覺又到咗食黃油蟹既季節，所以打去不同的酒樓問問行程及價錢。經過一番查詢後，決定到東海試試他們推出的黃油蟹套餐。因為問過其他食店，一隻黃油蟹的價錢都要HK$80/兩，以一隻10兩重的蟹來計算都已經HK$800，還未計茶芥及加一。而東海那個黃油蟹套餐共有9道菜(包括甜品)都只係HK$498/人，仲免茶芥。加埋一都係約HK$550/人。有關黃油蟹套餐詳情，請參閱上載圖片。

22/11 有親戚到港，安排晚膳時想試一下有點口碑的東海；已心知是大閘蟹季節可能只提供指定套餐。故訂位時己問明是否只做大閘蟹餐，接待員話唔係。於是訂了是晚8:30p.m. 的檯（共九人）。我哋已在8:05p.m. 到達。但前面還有幾圍大檯尚未入席。等到8:30p.m. 喇前面啲檯仍未未入席。而且安排失當，一時話入得一時又話仲未執好檯，最後我哋要成8:50p.m. 才被安排入席。入席後又遲遲未擺好位及俾菜牌，坐咗大約成20分鐘左右才有齊。看過菜牌後我哋覺得套餐唔抵食，所以叫咗菜牌上其他菜式，我哋先用紙寫下散叫的菜名再叫人入單（一湯 一前菜 六主菜），但再過了20分鐘仍未見佢哋俾番張入單紙來，要再三催促才下了單。本來他們地方已經不算大，嗰日他們分左一半場做左婚宴，人手都好似唔多夠架啦，他們又要做咁多大檯，搞到檯與檯之間的通道都很窄不夠行，好鬼逼囉。其他檯如果係叫大閘蟹既都好密上蟹，有D檯係叫他們特定套餐的都算快上菜囉，隔離張檯叫套餐既都食完（佢地仲遲過我們入席架），我們呢D散叫的就要等咁耐都未上菜。等下等下又過了25分鐘左右，終於上了第一碟前菜（脆皮燒鱔），又等咗10分鐘左右仍未有其餘的餸

往年吃大閘蟹多是從五豐行訂貨,幾個人夾份買一籮回來再分贓,跟著你又搞佢又搞大食會,個個食完做餐懵洗餐死!今年懶得去做,一於想食就齊齊出街食,乾手淨脚食完拍吓欏柚走人!朋友間口碑最好是這裡夠經濟水準穩定,於是訂試一試!佛跳牆----有花膠、原粒搖柱、花菇、散翅加多隻雞腳.一個較簡單版本的佛跳牆,始終大酒樓處理這類材料是較為熟練,花膠沒有腥味,其它材料也能食得入口不似一般湯渣,一個非常濃味的湯水!蟹粉小籠飽----飽身有黃油滲出,一口咬下湯汁不算澎湃但鮮味十足!(友人上星期試過另一家酒樓的套餐,內裡的蟹粉小籠飽是腥味十足.)大閘蟹----套餐每人有2隻,分開兩次上檯.第一輪五隻都係公(第二輪一樣),蟹身不算大型,反轉蟹奄有少量黃油流出,內裡藏膏量不俗!蟹膏味道比蟹乸濃,質感較為實及黏一點!這裡的質素很平均,每隻的蟹膏也差不多,第二輪亦如是.蟹粉蒜蓉多士----其實不要蒜蓉也夠味,法包烘得脆身(唔係硬),不過這次蟹粉處理得一般,要趁熱食!因為凍得很快所以有點腥味.牡丹蝦烏冬----烏冬本身其實問題不大,出事在灑在上面的櫻花蝦!食落苦苦地有燶味,看來有點似包裝零食貨色.油菜----普通灼菜但加

食大閘蟹未係最好時候,但已經急不及待!每年呢個時候都好多食店都推出大閘蟹套餐,先嚟試吓呢間!晚上九點幾到,全場爆滿,要坐走廊位! 冇計啦,咁鬼旺!個魚翅蟹皇餐太貴啦! 要$438每位叫咗個大閘蟹套餐, $328每位,星期一至五有八折$260.蟹粉小籠包 - 招牌貨,唔會差,好味! 魚翅佛跳牆 - 好足料,裹面有翅,雞腳,冬菇,花膠,瑤柱,螺頭,不過冇咩特別 !大閘蟹兩隻,(每位) 都係公, 羔較小,但依然美味 ! 有樣野值得讚, 佢哋識得先嚟兩隻,等你食到咁上下再嚟其餘兩隻,咁d蟹就唔會凍咗! 生拆蟹粉蒜蓉包 - 味道配合得相當好! 正 ! 上湯灼時菜 - 冇咩特別牡丹蝦手打烏冬 - 好滑,己經好飽但太好味! 掃清 ! 八起薑茶丸子 - 好似蕃薯糖水一樣,因為我鐘意食甜,我女友唔太鐘意,所以被我掃埋! 招呼週到,但因為坐走廊,所以要扣分!埋單$656. 飽滿走人! 希望蟹乸當做個陣d 蟹會更好味 ! 一定會嚟食多次 !

琴晚同左女友同屋企人去左呢間店到食晚飯,入到去都唔係太多人,好啦,叫左個半席餐,有飽魚,魚翅,乳豬拼盆金錢蝦飽魚紅燒雞絲翅清蒸老虎班瑤柱髮菜炸子雞伊麵以上o既野食好有水準,而且做得幣緻,可惜份量得好少,好似食極都唔飽,最後出場o既壽包,就可以解決呢個問題,佢有成個男性成人o既拳頭咁大,形狀非常靚,一搣開,d蓮蓉多到瀉出來,食到個心有一粒漏曬d蛋油出來o既咸蛋黃,一切都好完美,食完岩岩好飽,不錯.埋單一人都係百七蚊到,有咁o既質素,非法好,可以再來!!

星期日一家人係屋企都無嘢搞，有意思想去行街食下嘢．啊媽有好嘢介紹，話係”都市閒情”到，介紹東海黃油蟹餐好低食．啊媽好想去試下．加上係黃油蟹季節同九龍南線通車．真係岩哂！一來出去都諗住食嘢，二來都想試坐下通車後會有幾快出到去．我們一坐底就即叫左個黃油蟹套餐．(每人一個餐)霸王鹽焗雞味道同一般燒味一樣，無乜特別．醬燒黑豚肉D肉好滑，味道幾好．黃油蟹小籠包一咬D黃油蟹汁流入口中，味道正呀．高湯大排翅好有口感，大排翅完完整整，一淡咬落去，爽呀．清蒸黃油蟹果然名不虛傳，正呀．原隻南非鮮鮑扣鵝掌鵝掌就無乜特別味道，鮑魚就爽口彈牙，鮑魚汁好鮮味，Very Good．白玉翡翠Ok呀無乜油，又清清地，岩岩好和返D肥利嘢．甜粟一口鍋貼我就唔係太鐘意粟米，但係裡面一樣有黃油蟹汁，味道So Good．杏汁雙皮奶唔係太滑，唔夠熱，不過都有杏仁味，都算可以啦．可能星期日太旺場，服務真係一般．無乜Services．呢餐真係好食，雖然貴貴地，不過物有所值．

父親節一行四人訂枱食飯, 諗住東海應該唔會差得去邊, 真係估唔到咁差order list:鮮果大蝦沙律 (四人用)花膠瑤柱羹炸子雞半隻濃湯小蝦浸娃娃菜生煎豬仔骨後加 - 乳豬拼叉燒首先到0既, 係炸子雞, (沙律同湯都未到, 黎隻雞??) 都算啦, 隻雞0既size, 同去大x樂叫個海南雞差不多, 係大少少咁啦, 一食就知係冰鮮雞, 仲要收我百四蚊 跟住就到娃娃菜, 係全晚最正常同最好0既然後就到沙律啦, 話就話四人用, 實際每人得兩湯匙咁大把囉, 味道一般, 份量少少, 重要唔係好凍, 可能係即場整啦呢個時候, 仲未黎個湯喎, 係上豬仔骨啦; 呢個豬仔骨, 真係名副其實, 係骨多過肉, 份量當然又係細細碟咁啦 食到呢度, 好似都冇乜肉落過肚, 所以就加左個乳豬拼叉燒啦呢個時候, 個湯終於黎, 大家一致覺得, 呢個所謂0既花膠琥柱羹, 同碗仔翅分別不大, 係冇咗d翅啫, 四個人, 一人一碗, 多謝百四最後, 乳豬拼叉燒, 早之一早叫呢個就唔使煩, 又快又好味總結: service唔得, 食物份量其細, 味道一般, 份量與價錢不成正比, 唔會再去