The Joomak (已結業)

今日朋友叫食飯，帶埋我個寶貝晉豬一齊去，餐廳位置唔難搵，尖沙咀LCX坐地鐵就到，黎到餐廳門口服務員好有禮貌，帶我地去到窗邊位置坐，晉豬開心到不得了，一直拉住我講有船睇，入夜景色真係好靚好靚，叫左幾道菜都好有水準好好味，美景+美食真係好掂。裝潢幾有型，加埋夜景好浪漫晉豬一黎到已經沈迷左係呢片大海飲品款色好多，我叫了一杯凍朱古力奶昔，晉豬話好好味，上面仲有好多忌廉，朱古力味濃，奶昔夠滑，晉豬推介吞拿魚蓉壽司，我好鍾意，賣相好靚，味道唔止吞拿魚咁簡單，裡面有魚有蛋有青瓜有配菜，上面有有好香濃既木魚碎，整個壽司口感非常豐富，配埋韓色辣椒醬，好惹味酸甜炸雞，驚喜之作，通常出面食炸雞，都會比較乾身同細塊，但呢間餐廳既炸雞，肉質鮮嫩，完全唔乾，酸甜醬汁夠哂開胃，大大舊啖啖肉，十分低食帶埋晉豬少不得一定叫甜品，今次叫左個雪糕•Tiramiso比佢，食到停唔到口，雪糕好濃tiramiso味，真係想問問係咪自家製作，雪糕好滑，份量十足，擺設又靚，餅餅都好脆，同埋雪糕一齊食，配搭一流。真心覺得好好味，值得一試！餐廳經理好好人，會走過黎同晉豬講幾句，逗得佢鬼咁開心，走既時候，晉豬仲同經理講拜拜！