豚道樂 (大河道) (已結業)

 如果大家有留意嘅話，小編經常介紹荃灣美食，因為荃灣周圍附近都好多嘢食😊，有時小編去到都要上網搵一搵食乜好先得，不過今日介紹嘅呢間小編就極力推介👍。呢間係一間日本拉麵店🍜，小編已經去過兩次喇，而呢間餐廳就係近住大河道，名叫「豚道樂」。✦✦✦✦✦✦✦✦✦✦✦✦✦✦🎈原味豚骨拉麵 (特上系列) $85今次小編食得原始啲就食原味豚骨拉麵，另加$13蚊升級特上之選🔼，呢個特上之選係有豬肩肉、豬腩肉、紫菜同半隻溏心蛋👏，小編就推介大家應該升級喇🥳。呢間拉麵店都係一樣作風，你可以係點餐紙上選擇你嘅麵種類、麵硬度，要唔要蔥同辣醬📑，大家就可以自由揀選口味喇。而小編食開Firm硬度，因為掛湯食係啱啱好，又有口感🤩。而每塊豬肉都好大塊，肉質嫩滑，肉味濃郁，啖啖肉味撲鼻👃，好食。另外，湯底超級濃，濃嘅程度唔係湯水咁稀，仲帶少少結身😳。而小編好鍾意將紫菜浸係湯底，因為等多一陣紫菜嘅甜味會令湯底甜味增加，味道更濃更豐富🤤，大家不妨跟嚟試下啦👍。✦✦✦✦✦✦✦✦✦✦✦✦✦✦從座位，燈光同擺設，餐廳整個裝修設計尚算舒適🤗，亦令小編都覺得唔會太逼夾。拉麵店仲無限loop《願榮光歸香港》，好感動😭。而價錢方面比起其他