泰海鮮 (已結業)

星期日最好就係食一餐可以搞店晒。得唔得架？我就得喇，訓到十一點幾，約幾個朋友去食下嘢，食完都3點幾，飽到夜晚，煮飯都可以慳埋。我好中意同朋友嚟呢到食，雖然對我嚟講遠，但嘢食係好好食，又新鮮，勝價比高。又可以自己去選海鮮。今日就好想好想好想好想好想食。。。忌廉白酒大蜆，烏冬底。個忌廉白酒汁點煮都係甘好味，入面又加左洋蔥，令成個汁更加香。而d蜆就隻隻都甘大隻，好肥美，好鮮，好正丫！個朋友又提左我，下次唔配烏冬，配個白飯都好好味。撈埋d汁，好似意大利飯甘，好想食丫！花竹蝦刺身我都好中意食，又大隻又厚肉，再配個自製泰式辣汁，惹味！今次個蝦頭無用鍋煮，變左豉油皇炒，更加惹味！除左個殼之外，我成個頭ko晒。砵酒煮桶蠔，比起薑葱煮更加好味。本身薑葱已經夠香，味濃。再加埋砵酒，有雙重的口味，師父好手勢！呢碟豆豉鯪魚油麥菜喺海鮮之中可能會有點失色，但係味道絕對唔錯架。食肉之餘都要食下菜菜先得架麻。現在喺回家的路中，已經感覺好滿足，個肚大到雲。番到去訓個晏覺，完美甘善用左一日的假期，美味假期。