霜瀛 (已搬遷) 新店位置

今日剛剛試完呢間覺得都ok，隨筆寫下食評。隨意book咗上環一間做omakase嘅霜瀛，叫咗“霜”呢個餐。以下我覺得幾值得一讚嘅：🦪仙鳳趾生蠔係非常大隻。食落去真係充滿creamy似牛奶嗰種滑度，當然亦都係十分鮮美。本身帶有點點海水嘅清甜，再配上酸汁啫喱，蔥及菊花，更沾上一點涼意。🐟鮫鰈魚壽司本身魚肉夠爽脆彈牙。而最上面用左北海道特產，三升漬係幾特別。呢種三升漬係要經過發酵嘅一種配料。呢種香醇嘅味道令到魚嘅鮮係可以提升得好好。🥣自家製鯛魚湯夠白夠鮮夠香夠濃。入口非常鮮甜不腥，喺經過長時間餚製嘅心思。附上啖啖肉嘅鯛魚，比較少骨，亦保持到鮮味。🥚三文魚籽蒸蛋蛋夠香濃細滑，生熟度剛剛好。配埋上面三文魚籽大大粒，魚籽喺口入面爆開加埋蛋一齊食，兩者融為一體，係一種說不出的韻味。