熊牧場日式拉麵 (已結業)

這種新聞雖不常發生，但也不會太陌生：城中某些幾十年老牌食肆宣布結業，門前即出現長龍，新朋舊友都想趕上那最後早/午/晚餐。這店說不上老牌，「僅僅」二十年歷史，況且位處私人屋苑範圍，外人大概不曾聽聞，雖說結業前夕，卻絕不會湧現人潮。反而，時值暑假，中午12點時份店內只有一檯學生模樣4、5人，一邊滑手機一邊扒飯/麵，另一邊兩三個街坊，還有角落裡的三位，穿同一式服裝，看來是附近做工程的。牆上貼了幾張A3大小的紙，提示日子正在倒數：「結業在即。如部份食品/飲品售罄未能提供、敬請見諒！ 」「結業通告 承蒙各位街坊、顧客20年來的鼎力支持。本店將於本月下旬租約期滿結束營業。祝願各位身體健康！生活愉快！」店如其名，賣的就是日式拉麵。現在說起來，某方面也頗符合大眾對日本食店的典型印象。我們總覺得，日本的老店不少都是專做幾款菜色，一做就是幾十年甚至過百年，有些店據說甚至毋須提供餐牌云云。這店從開業至今，每日門前黑板的午餐、晚餐餐牌雖說每日替換，但總見到七味雞球、咖哩吉列豬扒、吉列魚柳、燒汁雞扒、豬軟骨等等的芳名。然而另一方面，這店同時又有不太日本的一面，其中油菜就是其一，日本拉麵搭油菜，更可選配腐乳汁或蠔

今日去到青衣熊牧場到食日式拉麵，我就叫左c餐日式滑蛋煎七味雞柳+吉列牛肉薯餅同拉麵試下。佢地會將麵同餸分開，這樣可以保持食物的脆度，呢到直得一讚！呢個七味煎雞扒，煎到外脆內軟，外面的汁就好似日式燒的味道甜甜地同雞扒好夾！而上面的滑蛋好滑，份量都好多，值得一試！而個薯餅就脆卜卜，d薯蓉軟綿綿好好食。禁個拉麵湯底，好濃的味噌湯味，面質爽口，食的時候好容易掛到d湯一齊吸入口，令到每一淡的面都可以食到湯的味道，而呢個餐係包埋野飲的，都係（$50），所以cp值都幾高，大家可以試一試。禁佢地重有d小食同埋，今次我地就冇試，下次有機會都會試試。

美景開業多年的小型港式日本餐廳。 唔算特別好平，但足料及份量夠，抵食之選，去美景的話值得一試。見好多人平價佢啲服務差我又唔覺，只係覺得佢正正常常落單、上餐、埋單，冇特別提供殷勤服務，但態度是很好的，入去最主要係想舒舒服服食嘢， 喺美景嚟講係一個幾好的選擇， 坐位舒服，環境衛生ok，等上餐時間合理。 阿女讀IVE的時候經常去食, Lunch time 經常要排隊等位， 但安排上都唔會亂。男士大食的話可以試下佢啲咖哩飯系列， 分量好足夠，汁料亦好多，細食的人兩個人share都可以。

我諗應該都有少少七年...不過今次真係有啲退步今次同屋企人去食飯 揀咗一個日式叉燒燒汁雞扒飯 仲有一個牛肉薯餅 首先講一個牛肉薯餅先完全係熱辣辣即刻炸出嚟 不過入面似普通薯餅多啲 唔係好覺有牛肉。。。。得少少 不過外面真係炸得好脆 值得一讚！ 但係相反 叉燒燒汁雞扒 真係好普通 雖然飯嘅份量好多 但係叉燒完全比燒汁蓋過咗味道 燒汁雞扒就有啲太硬 肉質方面真係麻麻哋 入面會有少少椰菜 但係$68呢個價錢真係太貴 而且啲嘢食真係好普通 以前好味好多而家質素退步咗

由於人生路不熟既情況下黎美景花園，search open rice 見依間店都叫多人咁去試下啦！價錢都算平！一個餐包野飲！叫左個日式炭燒雞串加雞軟骨棒餃子配拉麵！味道係同平時既餐廳一樣，雞軟骨棒餃子經過佢煮完係脆左，雞肉串就加左燒汁，碗拉麵加左8元加底，但依個拉麵都係普通既拉麵！熱華田賣單一碗加底既拉麵都係54元，都算係抵食啊！係依一區既食店都冇咩選擇得幾間食點，多數都係做返屋苑同青衣Ive 既學生飯市時間！

呢間拉麵小店係青衣美景花園入邊嘅商場 平時食午餐嘅時候好多人鍾意黎食經常滿座 因為平均40至$50就可以食到一碗拉麵加小吃加飲品真係好抵！ 我叫咗A 餐 係日式炭燒雞串 加豚肉雞軟骨棒餃子拉麵🍜 拉麵大大碗 仲有少少粟米紫菜 湯底係豬骨湯清清地幾好味 食到好飽 雞串同埋炸餃子分開上 好貼心！ 雞串似係便利店買翻黎叮個d 有d 芝麻係面 不過唔夠熱！ 但炸餃子香脆入味 相當唔錯食熱野同炸嘢 忍唔住叫翻杯凍飲加$2 凍檸茶茶餐廳質素 都幾好味 正

我其實去堂食過好多次，佢係一間小本經營小餐廳，應該有廿多個坐位左右，裝修報置似屋企咁，放左好多毛公仔喺牆上面個掛架到~而今次我就自己去買外賣食 , （呢間餐廳唔送外賣的，可能因為细细間，無人手）餐牌都算幾多選擇, 而套餐價錢亦大眾化~我今次揀左香煎雞扒拼牛肉薯餅（$52)，要咖哩汁，送餐飲，凍飲加$2, 由於外賣，佢有湯底另上，呢樣有好處，買到回家吃，唔會索晒水，仲要比埋包 七味粉，可以倒d落拉麵到食👏 食物質素以及價錢都ok!

第一次來這家店的時候，已經很愛這家店的裝潢。燈光和牆上放著的公仔，總給人很溫暖，很有歸屬感的感覺，這是我常來這家店的原因之一。加上我對日本菜本來就有無限的心心眼，所以我對這家店總有不可言喻的情意結。記得曾經有一次，天氣也是比較冷的時候，我突然很想吃拉麵，可是剛巧這家店休息了，那天我的心情真的一直很消沈，一點也不誇張。令我印象最深刻的是，每一次上食物的時候，不輪是上飲料還是上食物，老闆娘都會很貼心的說一聲小心喔，不只是我們這台，每一台上東西的時候，她也會這樣。這一下小小的舉動，令我更喜愛這家店。這一次我點了肥牛 + 吉列牛肉薯餅配拉麵。說真的，對女生來說淨是吃那一碗拉麵，其實已經很飽了，因為那一碗拉麵的size真的不小，加上飲料和小吃，我感覺我的肚子快要爆炸了。唯一一下真的要抱怨的是，他家小吃的醬料有點咸，其他的什麼都很好。總的來說，我大愛這家店♥

已經離開青衣很多年了，沒想過還會再來這一處. 在青衣讀書的三年間認識了很多人，哭過、傷心過的時間也不少，現在回想起，只餘下快樂的回憶，當時深深傷害過我的您，現在生活好嗎? 但願您一切安好，現在的我生活好好，感謝您令我成長.午飯時，與同事來到美景花園午餐，學生時代很喜歡到熊牧場吃午飯，這次再來回味學生時代的味道.午市時份的美景花園人頭擁擁，幸好現在是暑假，少了一班吃午飯的學生，我們只等了數分鐘就能入坐了.午餐有8款，價錢由$38-$48，凍飲另加$2.以現時的物價錢來說，價錢也合理.分別來了2次午飯，以下為當日所選的食物.C) 日式咖喱吉列豬扒+吉列炸蝦 ($41)預先叫了多汁的咖喱飯真的超多汁，足夠拌飯吃呢! 豬扒都算香脆，但與炸蝦同樣炸得較乾身，水準一般.D) 日式滑蛋七味雞球+吉列牛肉薯餅 ($42)滑蛋相當嫩滑，配以香脆可口的燒汁七味雞球同吃，可以吃掉很多飯了. 另外香脆薯餅熱辣亦不油膩，味道不錯.凍檸茶茶味都足夠，味道正常.數年沒來，熊牧場的餐廳面積大了，坐位寬濶了不少，牆上也放滿公仔裝飾，當年有沒有公仔裝飾我也沒印象了. 

我本身係附近讀書的,lunch食得多canteen都悶啦,所以間中都會出去食今次就同幾個同學黎熊牧場食一去到,唔知點解今日唔洗等位咁好以前呢度一到lunch time 就會有好多人等位一入去就叫野食啦,lunch時間唔多呀麻今次叫左黑椒雞扒+黑椒鴨胸肉,拉麵,凍奶茶等左一陣d野就黎齊啦,開飯啦!黑椒雞扒+黑椒鴨胸肉:鴨胸肉凍凍地的,雞扒係煎過黎的,味道ok而且都幾大大件,不過個黑椒汁真係麻麻拉麵:拉麵好大碗,正常男士絕對夠食有凸,味道還可以啦,都係一般現成湯底味凍奶茶:呢度d凍奶茶真係係裝修後都未好飲過,佢d茶係有dd怪味的,可能係d茶放得太耐啦其實裝修之後呢度d水準真係下降左好多,希望佢地會注意下啦

食咖哩豬扒飯 ,加多d 汁收多$5!話餐牌有寫,大佬我點知你d汁甘小?有d過份wor,食咖哩豬扒飯小汁點食呀!收我錢果個無禮貌、語氣又唔好,我想找老細,又話吾响度,我問幾時响度,又叫我打電話就响度,甘即係點呀!"客人無論消費多少，他一步入店舖就是客人，作為服務式行業,應盡量使客人滿意為目標!"我住樓上,我以後都不會到這家店!!!!!係美景, 有咩食先, 大把啦, 唔一定簡佢呀.

基本上....差唔多每個星期都會食~ 因為我住o係附近~~我最中意食係佢o既滑蛋撈烏冬!!! d 蛋夠滑, d 汁夠多...份量勁多! (可能因為加左價~)另外一款係....面豉湯配陽春麵~ 絕配!!! 午餐最抵食!!!!! 最貴個餐好似係$42.........但有西冷扒+ 龍脷柳....份量又係勁多!!! 仲有招牌凍蜂蜜綠茶!! (可惜日本果邊仲未有貨~)屋苑裡面有咁出色o既食肆算係唔錯啦~~~~

每逢被獨留家中的晚上, 一個人總會去熊牧場嘆拉麵~~首先我喜歡它的拉麵，金黃色的拉麵配合濃濃的九州豬骨湯底，一流～如果喜歡麵豉的朋友可以換麵豉湯底(本人麻麻喜歡麵豉）喜歡再濃／鹹一點的朋友可以選醬油湯底。（我偶然也會換一換醬油湯底）豬軟骨－係我食過比較有水準的，一般都煮到軟錦錦可以成舊食哂～個汁好好味！滑蛋燒汁吉列豬扒－係我食過最愛的滑蛋汁，以前未有自由選套餐的時候，加錢都照要佢地幫我們整個汁!!! 係呢度食飯的好處是，伴菜的選擇多，每個餐都最少有兩種，仲任你自由揀～次次都可以試新嘢！平均每次消費：$30-35 / 人

第一次寫食評, 請多多指教!!今日下午跟幾個同學仔lunch, 其中一位提議來這裡, 不用怎排隊就有位了, 入座率有8成吧! 聽說這裡裝修過, 整體感覺不俗, 坐得也滿舒服的!各人叫的如下:1) 煎雞扒拼涿肉餃子棒飯雞扒煎得很香很脆, 食落又不覺熱氣, 也醃得剛剛好! 飯量比想像中多, 汁也剛好, 適合一眾大胃人士! 而餃子棒味道就略為遜色, 不過不失!2) 滑蛋豬扒加吉列牛肉薯餅飯吉列牛肉薯餅炸得十分出色, 金黃色的外表, 十分香脆!! 3) 地獄叉燒拉麵 (中辣)一看湯的顏色便知不會太辣, 結果真的只是ok, 但湯底, 麵質, 叉燒都配搭得宜, 若食辣的人相信要大辣才行!4) 瑞士雞翼加涿肉拉麵賣相不俗, 因未嚐過, 不作評價。唯一缺點是地點較遠, 若不是上課的關係也不會到那邊, 所以可能會較適合青衣人去吧!

呢度都讀左一段時間，但就係無去過呢間食。一係每次都好多人，一係就無開門。今次黎係裝修之後既第一次，就試下好唔好食啦。午餐既時候都好多人等位，佢地仲幫我地落單，真係好快手。滑蛋吉列雞扒飯配吉列牛肉薯餅睇唔出個飯咁大碗既，料都算幾多既。雞扒好大塊，雞肉又唔鞋口，幾好食。但個汁甜左小小，薯餅都唔錯既。好夠薯味同都幾足料。個飯都幾煙韌，幾好食。整體上，個飯好抵食，好多料同味道唔錯既。凍奶茶好大杯亦都好好飲，不過個味唔係我平時飲開既味。呢間都唔錯既，服務都幾好。又會等位果陣幫你落單，真係有效率。