影片
更多
2021-10-15
61 瀏覽
book咗18:30，嚟到嘅時間剛剛好日落，個景靚到我哋睇咗陣先捨得叫嘢食餐包侍應好快就送上餐包～麵包烘得外脆內軟，入面有啲黑水欖粒，令成個包又香又有咬口；暖暖地咁搽啲牛油食，好食到想添多份烤銀鱈魚扒 $248銀鱈魚扒煎得啱啱好，魚皮非常香脆，魚肉質感嫩滑；銀鱈魚扒本身嘅油脂豐富，香味突出，點少少忌簾汁已經好好食。伴碟嘅配菜都處理得好有誠意，炒得好香，薯蓉好滑好重牛油味。炭燒羊柳伴南瓜意大利飯 $238南瓜意大利飯就食得多，伴羊柳就好少見。落單嘅時候侍應好細心咁問我哋個意大利飯洗唔洗煮腍啲，我哋就揀咗要腍啲喇～出嚟嘅效果係飯粒唔會太硬，做到粒粒分明得嚟又煙韌。羊柳食落唔羶，肉質軟嫩而且肉汁豐富，配埋啲燒汁就更加帶出肉香。油封鴨脾肉燴意大利飯 $198飯嘅硬度都係揀咗要腍啲。原本以為鴨脾會係原隻上，但原來係製成鴨肉絲咁撈落啲飯度，都幾花功夫。個人認為呢個做法嘅好處有二：一來食客食起上嚟會更方便，二來會令成個意大利飯都充滿鴨油香味！鴨肉絲嘅份量好多，每一啖都係濃濃嘅鴨香Mango paradise $68由芒果汁、檸檬汁、橙汁同菠蘿汁混合而成嘅mocktail，飲落酸酸甜甜好清新；睇落佢好
book咗18:30，嚟到嘅時間剛剛好日落，個景靚到我哋睇咗陣先捨得叫嘢食
餐包侍應好快就送上餐包～麵包烘得外脆內軟，入面有啲黑水欖粒，令成個包又香又有咬口；暖暖地咁搽啲牛油食，好食到想添多份
烤銀鱈魚扒 $248銀鱈魚扒煎得啱啱好，魚皮非常香脆，魚肉質感嫩滑；銀鱈魚扒本身嘅油脂豐富，香味突出，點少少忌簾汁已經好好食。
伴碟嘅配菜都處理得好有誠意，炒得好香，薯蓉好滑好重牛油味。
炭燒羊柳伴南瓜意大利飯 $238南瓜意大利飯就食得多，伴羊柳就好少見。落單嘅時候侍應好細心咁問我哋個意大利飯洗唔洗煮腍啲，我哋就揀咗要腍啲喇～出嚟嘅效果係飯粒唔會太硬，做到粒粒分明得嚟又煙韌。
羊柳食落唔羶，肉質軟嫩而且肉汁豐富，配埋啲燒汁就更加帶出肉香。
油封鴨脾肉燴意大利飯 $198飯嘅硬度都係揀咗要腍啲。原本以為鴨脾會係原隻上，但原來係製成鴨肉絲咁撈落啲飯度，都幾花功夫。個人認為呢個做法嘅好處有二：一來食客食起上嚟會更方便，二來會令成個意大利飯都充滿鴨油香味！鴨肉絲嘅份量好多，每一啖都係濃濃嘅鴨香
Mango paradise $68由芒果汁、檸檬汁、橙汁同菠蘿汁混合而成嘅mocktail，飲落酸酸甜甜好清新；睇落佢好似細細杯咁，但其實佢係沙冰嚟，一路飲一路慢慢融，飲極都重有撈埋上面啲芒果一齊食，點咗呢杯飲品就好似食咗個甜品咁～
Sunshine surprise $68朋友點嘅mocktail，佢話都唔錯。
張貼
