影片
更多
2022-08-14
72 瀏覽
近排天氣熱，成日食日本韓國野食到寡寡地，今次就試下成日經過但未得閒試既 Mr. Crab By The Captain's House. 佢地主打係美式style 海鮮，同我係LA 時食既B .... Crab 一樣STYLE.第一次黎就叫個 Set for Two 二人套餐 $768包括有 Seafood Combo / Appetizer / Pasta or Risotto / 2 drinksAppetizer 揀左Deep Fried Chicken wings 脆炸雞翼5pcs 配Honey Garlic 道菜色聽落好似好普通，但睇落食落一d都唔普通，雞翼表皮炸到鬆脆，但肉中心仍然保持鮮嫩，加上有好friendly既waitresses 極力推介既蒜香蜜糖汁，蒜香味十足，甜甜既蜜糖，作為頭盤夠哂開胃主菜黎啦，Seafood Combo 自選海鮮Combo 揀3款海鮮揀左Prawn 海蝦 8-10pcs、Clam 海蜆8-10pcs & Squid 原隻去頭魷魚 1pc，上菜時waitress 放低左藍色一袋野，朋友嚇一嚇，好彩我之前係美國食過。其實係好特色既菜式，將各類海
今次就試下成日經過但未得閒試既 Mr. Crab By The Captain's House.
佢地主打係美式style 海鮮，同我係LA 時食既B .... Crab 一樣STYLE.
第一次黎就叫個 Set for Two 二人套餐 $768
包括有 Seafood Combo / Appetizer / Pasta or Risotto / 2 drinks
Appetizer 揀左Deep Fried Chicken wings 脆炸雞翼5pcs 配Honey Garlic
道菜色聽落好似好普通，但睇落食落一d都唔普通，雞翼表皮炸到鬆脆，但肉中心仍然保持鮮嫩，
加上有好friendly既waitresses 極力推介既蒜香蜜糖汁，蒜香味十足，甜甜既蜜糖，作為頭盤夠哂開胃
主菜黎啦，Seafood Combo 自選海鮮Combo 揀3款海鮮揀左Prawn 海蝦 8-10pcs、Clam 海蜆8-10pcs & Squid 原隻去頭魷魚 1pc，上菜時waitress 放低左藍色一袋野，朋友嚇一嚇，好彩我之前係美國食過。
其實係好特色既菜式，將各類海鮮加side dishes薯仔，粟米，香腸，同Mr. Crab Cajun Sauce撈埋一齊，連蝦帶袋360環回反轉幾次將袋入面每一樣都同d汁撈埋一齊完全零死角，蝦味鮮甜，魷魚筒軟滑煙韌，海蜆加蒜汁，食完個肉仲要啜多兩下個殼先捨得dum，食下海鮮換下食side dish粟米、薯仔，老實講le個設計幾貼心
最後一度菜黎個黑松露海蝦忌廉汁寬條麵，其實去到le個位都食到七七八八架啦，但一來佢個黑松露唔會太濃蓋過左個忌廉汁，二來個汁唔會好似一般街外煮到咁渴撻撻，所以食落去唔會覺得滯，仲有d蝦佢都好認真用新鮮海蝦煮，唔係隨便用急凍蝦塞落個寬條麵度用個濃汁蓋住哂，一句講晒，醬汁調配，食材用料，都配合得岩岩好
其實間唔中食下d半重口味既晚餐，錫下自己個腸胃，好過成日千遍一律唔係壽司就鋸扒呀，況且Mr. Crab仲有一人套餐其他單點美食，紅酒白酒cocktail，得閒試下d不一樣既體驗，為生活多添一d驚喜
張貼
