Burgeroom (美麗華廣場1期) (已結業)

多年前於加路連山道嚐過的美味漢堡店轉至尖沙咀經營。相約幾個好友，再尋當日美食，餐店位於商場二樓角落但明顯較舊舖寬敞。店內用輪胎裝飾更富美國風。末食漢堡先啖小食，洋蔥圈香脆大件，芝士旋風薯條同牛油果醬芝士薯條嘅芝士醬美味無窮，一粗一幼嘅薯條一次滿足兩種不同口感。叫咗三個漢堡個個都份量十足，漢堡扒足足有成吋厚，未食都已經見啲肉汁滴出來，咬落舊漢堡扒香濃牛肉味隨肉汁不斷流入喉嚨，口腔內充塞著啖啖軟嫩牛肉，滋味至極！特量芝士牛肉漢堡啲芝士多到好似爆出來一樣，而鵝肝牛肉漢堡塊鵝肝外脆內軟一啖已經齒頰留香，真係睇見開心食落滿足。第三個大烤菇芝士牛肉漢堡真係太飽，分享都食唔落。廚房亦將每個包切半方便食客分享，食 Burger 食得過癮開心就係要用手食，咁至係食美國菜。