上海飯店 (已結業)

美孚都有好幾間食上海菜的店舖，不過我都係覺得呢間比較正宗(即係重口味)。 今日有朋友 來我家探訪，就book咗在我屋企樓下的呢間上海飯店。叫咗好幾樣餸，包括：小籠包、春卷、蒸銀絲卷、素餃、韭黃炒鱔糊、回鍋肉、砂鍋雲吞雞、奶油津白、嫩雞煨麵和上海粗炒。小籠包：裏面勁多湯，好味。 不過呢個一定要趁熱食，凍咗個皮就會變得好硬。春卷， 新鮮炸出，個皮好脆。蒸銀絲卷，一定點煉奶食。素餃不過不失，喺個皮厚咗少少。奶油津白，充滿濃濃的奶油味，食落甜甜地。砂鍋雲吞雞，鹹了少許，不過隻雞好嫩滑。 回鍋肉、韭黃炒鱔糊好有地道風味， 同白飯食一齊食，一流。上海粗炒一般。 而嫩雞煨麵就唔夠同區另一間店舖好食。四個大人，加兩位少女，再加兩個小朋友，飽到反晒艇，埋單都唔使800蚊。朋友一家都話啲餸菜好味。此鋪頭唯一缺點，樓底矮，啲聲焗住曬，牆身同天花又無吸音物料，所以店內比較嘈吵，傾計就不太方便啦。