上海飯店 (已結業)

星期六晚九點,walk in有枱,餐牌和午餐一樣，叫了醉豬手，什錦鍋鈀，煎小黃魚和梅菜包什錦鍋鈀非常鬆脆甘香，小黃魚亦有水準，梅菜包就不過不失，醉豬手就不合格，唔夠淋兼冇酒味不過價格商宜，可以一試

九流上海店食物差，回窩肉，上海粗炒，雞丁。。。勁多油，勁多汁，得個鹹，好油膩。上菜勁慢，侍應態度勁差！！！我地叫落嗰啲都食完，準備埋單走，後加單嗰餸等左成八九字先上，同嗰職員講咁遲先上，我地都食完準備走，幫我地取消嗰餸。侍應態度勁差，高聲話我地炒都要時間，係要等咁耐。。。你地叫左冇得取消。。。(我地問唔通你嗰餸一個鐘兩個鐘唔黎，我地都要坐係到等。。。)當時間餐廳唔滿。。。一碟普通餸都要炒八九個字？！夾單炒都唔好要客人等咁耐，要人等耐左又態度勁無禮貌勁差地迫人要！連鎖餐廳都好過尼間多多聲，食物，服務態度咁差，價錢又唔平，好快會被淘汰！！！要食上海野，一定唔會再考慮尼間，家傳滬曉，上海婆婆一定會係更好嘅選擇！P.s. 對上一次光顧，直情見到職員將隔離枱嘅飯放入微波爐翻熱就送上

同老公經過美孚，上開飯網搵到呢間上海食店，如果唔係專登搵，又或者係街坊，其實都幾難搵到，嚟到門口見到招牌已經變成「新上海飯店」，（這個希望開飯網要更新有關資料）有一刻懷疑，但見閒日時間仍然爆場，相信質素有一定嘅水準。入到去因爲太多人，所以要搭檯坐。嚟到上海飯店梗要嗌返幾個例牌餸啦！叫咗5樣嘢食，有小籠湯包、煎鍋貼、酸辣湯、XO醬河蝦炒飯同埋蝦醬鮮仲尤炒通菜。仲以為食唔哂，但係實在太好味，所以全部比我哋清哂好耐未試過呢種上海菜嘅味道，偷看到隔離檯食客嘅高力豆沙....餡料都好澎湃，下次會試吓！

休息無聊搵嘢食 當去旅行散步 hea吓美孚冇咗泊車優惠 就行遠啲拍露天$14@新上海飯店 美孚3期平台 唔識路唔易揾有條唔起眼嘅樓梯上平台 其實路在口邊12點去到 啲客仲未到…… 之後就坐滿門面＆內部舊裝 店鋪乾淨冇怪味 唔算太嘈侍應好有禮貌 任我哋揀枱坐 當然係坐埋一邊 自得其樂吹吹水 ……店家好大方 免茶芥都仲有茶揀普洱定水仙晚市: 星期六日假期加一 茶3元午市 免茶芥 免加一 午市套餐 2餸1湯+2碗大飯$148 份量材料好足 有鑊氣 傳統上海菜嘅味道食咗冇口乾頸渴 好多新派店都做唔倒酸辣湯~ 微酸唔辣 一大湯碗 材料豐富有豬紅豬皮木耳竹筍瘦肉絲 仲有蝦豬肚怕辣都食倒 可以自己加番辣 但冇番幾粒青豆就好似爭啲嘢咁(處女座嘅麻煩)河虾仁炒旦~ 份量足 河虾爽有虾味唔腥好味道 但略嫌旦炒得太熟唔夠滑客飯~紅燒黃魚+家常例湯+白飯大碗 $441整條小魚炸咗再炆 魚肉滑甜 配料多 有豬肉片芛炸蒜 做足工夫冇馬夫客飯嘅~蕃茄薯仔湯 真材實料白飯轉菜飯+2元 飯偏硬 菜飯冇乜菜味小籠包~ 34元4粒 趁熱食有湯汁但唔算爆汁 餡肉唔大似蒸肉餅味 仲有好多菜未試 砂鍋竹笙老鴨湯 煱粑……一定

一拖再拖...轉咗工成半年都未捨得寫返以前未寫嘅食評，見A先生難得咁有熱誠繼續紀錄，即刻送上今次食評！話說有一日，最鍾意發掘新地點嘅我，提議不如放工之後去美孚食飯，於是就搵咗呢間上海飯店（不過唔知點解見Menu係寫著「新上海飯店」XD) 當晚我地點咗呢幾味:1. 奶油津白味道其實唔錯，份量好多，不過實在太Creamy，個人嚟講食到有啲膩2. 紅燒獅子頭又係大大份，肉好淋，個汁配合得好好，所以好好味3.  小籠包／生煎包身為小籠包控嘅我，最怕係食到小籠包啲皮好厚，好難得皮同餡嘅比例岩岩好，必叫之選！再次無視脂肪侵襲嘅A先生，話點都要叫生煎包，咁食落口又真係幾正嘅! 4. 上海粗炒麵同樣都係大大碟，味道正常， 不過真係油咗少少...認真想講如果大食嘅朋友，嚟到呢到一定好開心，絕對大份夾抵食! 總括嚟講，街坊價錢食到質素唔錯嘅上海菜，絕對超值！加上地點非常方便，就喺美孚新邨平台位置，經過開嘅朋友不妨一試啦!

美孚都有好幾間食上海菜的店舖，不過我都係覺得呢間比較正宗(即係重口味)。 今日有朋友 來我家探訪，就book咗在我屋企樓下的呢間上海飯店。叫咗好幾樣餸，包括：小籠包、春卷、蒸銀絲卷、素餃、韭黃炒鱔糊、回鍋肉、砂鍋雲吞雞、奶油津白、嫩雞煨麵和上海粗炒。小籠包：裏面勁多湯，好味。 不過呢個一定要趁熱食，凍咗個皮就會變得好硬。春卷， 新鮮炸出，個皮好脆。蒸銀絲卷，一定點煉奶食。素餃不過不失，喺個皮厚咗少少。奶油津白，充滿濃濃的奶油味，食落甜甜地。砂鍋雲吞雞，鹹了少許，不過隻雞好嫩滑。 回鍋肉、韭黃炒鱔糊好有地道風味， 同白飯食一齊食，一流。上海粗炒一般。 而嫩雞煨麵就唔夠同區另一間店舖好食。四個大人，加兩位少女，再加兩個小朋友，飽到反晒艇，埋單都唔使800蚊。朋友一家都話啲餸菜好味。此鋪頭唯一缺點，樓底矮，啲聲焗住曬，牆身同天花又無吸音物料，所以店內比較嘈吵，傾計就不太方便啦。

今日放lunch 時間充裕 ,所以同同事試左上海飯店。 因為人唔多 所以各自叫菜 再大家share. 試左粟米羹湯， 最中意佢既醉雞同雞絲粉皮。 味道好夠， 又唔會太濃太涸喉。 下次再約多d 朋友黎就可以試多d 新菜啦😋😋

美孚返工午飯時間周圍都人多，而且唔係太多選擇，今次就有同事推介食上海菜飯，一行幾人就一齊去試下，餐廳位置都算多，不過咁啱我地坐正角落位就唔係好夠冷氣，食到最後會出汗午市套餐有例湯送，今日係粉葛湯，味精唔算太多，個湯都過得去同事叫左醉雞，醉雞有好濃既酒味，唔鍾意濃味就唔係好食得慣菜飯大大碗，一定夠飽最鍾意咕嚕肉既酸酸甜甜，呢度既味道都整得唔錯糖醋魚塊，同咕嚕肉味道差唔多，但份量就比較少，得幾舊，唔係太抵食

今日放工同屋企人黎開美孚之前聽人講這小店都幾好所以黎試下叫左擔擔面咸肉炒年糕炒鱔糊京蔥炒羊肉蒸素餃炸銀絲巻先講擔擔面每家店都有自家醬料這家店偏淡花生味麻醬味唔夠肉碎幾乎無麵條較淋感覺一般炒京蔥羊肉就推薦味道香京蔥唔會太硬太老羊肉唔太羶另一推介係炸銀絲巻大家認為一定係好普通但唔係好油又脆口配京蔥好好味炒年糕比較清但年糕好有咬口咸肉唔算好咸好肥，有咸香味蒸素菜餃皮厚但味道幾香可以一試炒鱔糊就唔推介可能係夏天感覺鱔唔係好爽唔算新鮮整體幾好可以再試

今晚忽然想吃上海菜，於是就到了樓下的上海飯店。這上海飯店雖然藏在美孚新邨當中，但平日的晚上仍然非常熱鬧，我們六時多來到，竟然已經座無虛席等到大約15分鐘我們成功入座，肚子已經咕咕作響，大家都餓了。先點一客小籠包，一籠四隻，說不上皮薄，但餡靚，而且湯汁豐富！然後專為羊Baby點的嫩雞煨麵到了。煨麵質感比較腍，小朋友吃就最適合不過了。別看這湯的顏色很淡，其實味道是頗為濃郁的。我們點了一個肉類，好像是糖醋排骨。這道菜味道調得剛剛好，酸酸甜甜，而且肉質軟腍，羊baby吃得非常滋味一頓飯當然不能沒有青菜，我們點了這個炒通菜。通菜炒得不錯，鮮嫩爽脆，但就略為鹹了一點。最後點了一個炒飯，飯炒得很乾身，配料也算豐富，味道不錯的上海飯店的出品整體來說不錯，不過如果多人去吃，還是建議預先訂位囉

深水埗好食既上海菜越黎越少，唯一可以係深水埗立足十幾廿年都未執既就得佢，以上海菜黎講，佢個價錢已經算唔差，加上多選擇，涼拌、小籠包、小菜、飯麵到甜品都一手包辦，其中小菜中最欣賞係佢既鎮江骨，自家製鎮江醋，酸甜適中，而且啲骨入哂味，另外甜品就有桂花酒釀丸子同豆沙窩餅，雖然同真正既酒釀有差別，因為真正既酒釀冇桂花，但加左桂花既酒釀比原來既更香更好食，而且丸子Q彈，一碗差不多兩人份，豆沙窩餅做得好好既係佢既外皮薄又脆，豆沙餡一啲都唔膩，而且唔會太甜，配茶吃一流。香港平又好食既餐廳所剩無幾，上海飯店絕對值得支持！

每逢諗起食上海菜，都會嚟到我屋企樓下呢間上海飯店，每次嚟到一定要叫，呢度個籠小籠包裏面咬落去好多湯，而且仲好鮮甜嘅肉味 呢度啲醉雞啲汁，好食到我要用來撈面，都唔係醉雞啲肉好爽口。前菜涼拌海蜇，yummy!鳝糊冷麵味道好香，佢啲醬汁啱啱好，因為我本人比較鍾意食幼麵。而且呢間上海飯店住得好爽口，食完之後唔會覺得太飽，啱晒我呢啲細食嘅女仔。最後一定要一讚呢個京醬爆羊肉加埋，果個薄餅皮，超多羊肉汁，考落去將個皮包住啲汁簡直係極品。我一定會一個星期都會來一次。

呢間上海菜館，已經喺美孚開咗好多年，一路都好好生意，除咗因為價錢經濟實惠之外，食物嘅質素亦都好唔錯。今晚訂咗位去食飯，所以唔駛等，門口keep住有人等位架！餐牌上選擇好多，weekday如果多人嘅話叫套餐好抵食，我地得兩個人唯有散叫啦。先來一個冷盤，例牌嘅花雕醉雞都幾大碟，酒味香醇，雞肉嫩滑，雞皮又爽，係必食嘅推介跟住就到老公點嘅上海老闆炒飯，個炒飯雖然唔係話好多料，但味道調得好好，而且炒得粒粒分明！千祈唔好睇小一碟炒飯呀，炒得好食真係唔係甘簡單。我今晚叫咗碗三鮮湯年糕，湯底顏色雖然清清地，但味道都幾濃，一定落咗唔少金華火腿。上海年糕都好滑身，不過嫌佢切得太大件太厚，無咁掛湯囉甜品當然唔少得啦，叫咗三件高力豆沙。個蛋白略為唔夠鬆軟，但中間豆沙餡嘅份量好豐富，絕對係真材實料Weekday套餐堅係抵食，下次要搵多啲人嚟試吓先。

上海飯店是美孚老店之一，能屹立多年當然是因為其價廉物美的上海美食。每次捧場例牌必點以下兩款食物：海蜇皮： 海蜇十分粗！十分爽口！通常我會叫侍應配上黑醋一起點來吃！若只吃海蜇可能會有點淡味。菜肉雲吞（共八粒）：雲吞皮十分薄，咸味適中，而且雲吞材料很豐富！啖啖肉！嚐辣的朋友可以點酸辣湯雲吞，整碗清湯會換成酸辣湯， 十分惹味！

去完迪士尼樂園，大家又攰又餓，搭車去呢間美孚區口碑唔錯嘅上海菜館！去到唔難搵，仲好彩即刻入座（無訂位）普通中菜館格局，入內桌椅好迫，坐小圓枱，店員好好見旁邊張枱走，主動叫我哋轉張大少許嘅枱，菜式係正常上海菜！快快叫幾個小菜，食物落單後好快到！小籠包（$32）一開始叫了兩籠，一籠四隻，皮薄無穿窿，直程可以透過皮隱約見到入面嘅湯汁流動，豬肉餡滑，加啲陳醋酸酸地好好味，係即刻加單叫多籠encore海蜇皮（$60）簡單撈過嘅海蜇皮，海蜇厚切，爽口彈牙，撈嘅汁微鹹微酸，好清爽！雲白肉（$60）醬汁另上，豬肉片薄身，豬肉唔嚡，無硬皮，墊底嘅粉皮彈牙，醬汁鹹香濃微辣，好夾豬肉味，味道好味！担担麵（$34）自己一向對担担麵一般，因為花生味太重，呢度啲湯微辣，微微花生味，酸辣味，略浠身，如果杰身少少掛湯能力更好，幼身上海麵滑溜！好味！五香牛肉湯麵（$42）小朋友食，佢話好味鮮肉鍋貼（$34）鍋貼皮煎到脆卜卜，係咬落有聲嗰種鬆脆，肉餡滑，有肉汁，好味！竹笙扒豆苗（$88）竹生新鮮爽口，豆苗當造爽嫩，獻汁唔會太漿，清爽好味河蝦炒蝦仁（$68）好大碟，蛋好多，好似蛋榚咁，蛋香但唔夠滑，河蝦仁爽口但味淡，正常！