影片
更多
2016-02-20
213 瀏覽
完左一個禮拜既辛勞, Happy Friday 都想食餐好d~原本諗住去食新開既韓國菜，不過去到門口覺得唔太抵食，反而比附近既賀喜吸引左～o係門口睇餐牌一人set 大約$100 左右，另外仲有二人set 同四人set，價錢都算合理，一於試下。賀喜唔算好大，不過座位安排又唔算好迫，都算坐得舒服。我地叫左個賀喜精選二人套餐(($388)，有沙律，刺身，壽司，炸雞，燒三文魚鮫，烏冬，生果同野飲，都幾多野食。大約五分鐘左右，蟹子沙律就到喇，D 蟹柳絲同青瓜都刨得好幼，幾開胃之後上既係剌身拼盆，有三文魚，章紅魚，甜蝦，赤貝，都係好新鮮既，特別係三文魚，厚切令人好滿足；不過章紅魚有少少腥味。跟住就到壽司喇，有兩件鰻魚壽司，一件三文魚壽司，一件帶子壽司，一件海膽壽司同一件吞拿魚壽司。海膽壽司唔錯，無腥味又新鮮。不過得一件唔夠分再黎就係炸雞，肉質都嫩，個人而言咸左少少。之後就係三文魚鮫，上台時岩岩燒起熱辣辣，幾好味 食到呢度已經好飽，點知原來仲有個烏冬同水果 個烏冬竟然都唔錯喎，烏冬幾好咬口，唔太林又唔太熟，煮得岩岩好；D 牛肉就不過不失，雖然好飽但我都成碗食哂。最後上埋生果，真係好飽好滿足。總括而
原本諗住去食新開既韓國菜，不過去到門口覺得唔太抵食，反而比附近既賀喜吸引左～
o係門口睇餐牌一人set 大約$100 左右，另外仲有二人set 同四人set，價錢都算合理，一於試下。
賀喜唔算好大，不過座位安排又唔算好迫，都算坐得舒服。
我地叫左個賀喜精選二人套餐(($388)，有沙律，刺身，壽司，炸雞，燒三文魚鮫，烏冬，生果同野飲，都幾多野食。
大約五分鐘左右，蟹子沙律就到喇，D 蟹柳絲同青瓜都刨得好幼，幾開胃
之後上既係剌身拼盆，有三文魚，章紅魚，甜蝦，赤貝，都係好新鮮既，特別係三文魚，厚切令人好滿足；不過章紅魚有少少腥味。
跟住就到壽司喇，有兩件鰻魚壽司，一件三文魚壽司，一件帶子壽司，一件海膽壽司同一件吞拿魚壽司。海膽壽司唔錯，無腥味又新鮮。不過得一件唔夠分
再黎就係炸雞，肉質都嫩，個人而言咸左少少。
之後就係三文魚鮫，上台時岩岩燒起熱辣辣，幾好味
食到呢度已經好飽，點知原來仲有個烏冬同水果 個烏冬竟然都唔錯喎，烏冬幾好咬口，唔太林又唔太熟，煮得岩岩好；D 牛肉就不過不失，雖然好飽但我都成碗食哂。
最後上埋生果，真係好飽好滿足。總括而言呢，呢餐既盛價比都幾高，不過下次再食應該會點反D 一人定食，今次食得太飽喇；至於食物質素都算唔錯，食材都食鮮；服務都幾好，兩個服務員都好好態度，落order 收碟都好快；環境都OK，係D 音樂有少少嘈.. 如果KEEP 住水平，應該都會成為美孚既熱門餐廳。
張貼
