影片
更多
2020-09-09
60 瀏覽
約咗朋友喺銅鑼灣食晚飯，好攰完全唔想動腦筋，一切交俾朋友去決定，朋友問有乜要求，我話只要我未去過就得，咁佢就帶咗我嚟呢間食越南菜嘅餐廳，等我試吓新嘢。繼續比朋友發辦，佢叫咗：香茅牛油雞翼：應該拍咗乾粉，然後去炸；雞翼上鋪滿小蒜粒，唔單止雞皮脆，連小蒜粒都好脆，又有少少香茅味，好正；雞肉就好juicy醃得幾入味😋香茅豬扒撈檬➕牛坑腩➕牛柏葉：一嚟到大大碗上面鋪滿香茅豬扒、牛坑腩同牛柏葉，仲有啲沙律菜同香蔥，賣相好靚😍；基本上每一種肉都好鮮味，尤其香茅豬扒煮得好香；檬粉配酸甜汁食落開胃越式炒小椰菜：超大量蒜蓉爆香同小椰菜一齊炒，極香口兼非常惹味，有小驚喜😋鹹蛋黃薯條：又係好香口，食到舔舔脷朋友叫咗杯熱嘅香茅茶，佢話好香兼感覺健康；我唯一動腦筋嘅就係叫咗自己杯飲品青檸梳打，酸酸甜甜大熱天時飲唔錯。同朋友一路吹水一路食好快就過咗一個愉快嘅晚上😊
繼續比朋友發辦，佢叫咗：
香茅牛油雞翼：應該拍咗乾粉，然後去炸；雞翼上鋪滿小蒜粒，唔單止雞皮脆，連小蒜粒都好脆，又有少少香茅味，好正；雞肉就好juicy醃得幾入味😋
香茅豬扒撈檬➕牛坑腩➕牛柏葉：一嚟到大大碗上面鋪滿香茅豬扒、牛坑腩同牛柏葉，仲有啲沙律菜同香蔥，賣相好靚😍；基本上每一種肉都好鮮味，尤其香茅豬扒煮得好香；檬粉配酸甜汁食落開胃
越式炒小椰菜：超大量蒜蓉爆香同小椰菜一齊炒，極香口兼非常惹味，有小驚喜😋
鹹蛋黃薯條：又係好香口，食到舔舔脷
朋友叫咗杯熱嘅香茅茶，佢話好香兼感覺健康；我唯一動腦筋嘅就係叫咗自己杯飲品青檸梳打，酸酸甜甜大熱天時飲唔錯。
同朋友一路吹水一路食好快就過咗一個愉快嘅晚上😊
張貼
