湯•米 (已結業)

 呢度主打一人火鍋，所以一班人嚟，可以嗌幾個火鍋，試曬幾個味道。今晚叫咗日式味噌鍋，藥膳豚肉鍋，同埋巴蜀烤魚鍋。巴蜀烤魚鍋點咗bb辣，但係都幾辣，而味噌湯有少少過鹹，所以三個鍋中，我最鍾意就係藥膳鍋，入面有紅棗，蟲草花等材料，湯底有點中藥味，覺得份外滋補。裡面嘅食材，例如蔬菜，薯粉，都吸收咗湯嘅味道，所以更加美味。另外再叫咗一啲小食share ，例如台灣香腸，涼拌青瓜，同柚子蜜雞翼。囡囡好鍾意食香腸，因為夠曬香脆。柚子蜜雞翼都好受歡迎，炸得脆卜卜，仲有啲柚子蜜係面，甜甜地咁，幾好吃。 飲品方面有好多選擇，老公話珍珠奶茶同出面飲品專門店質素有得揮，珍珠夠曬彈牙。我個杯芝士茶茶8號都好飲，茶底香濃，芝士奶蓋有鹹香味又夠滑。