吞POT 雞煲火鍋.住家菜 (已結業)

我地好耐冇食雞煲，但平時食個d一係就環境好嘈，一係就一入去就成陣油味焗住晒，好彩有朋友介紹話呢間幾高質，所以就黎試下～星期日想早d食完番屋企，所以六點就黎到。因為仲係黃昏，斜陽既餘光打落呢度廿幾樓既大玻璃，個景好開揚，樓下就係車水馬龍既鬧市，頓時覺得有點chill～入左去，可能比較早，場內不擠擁，我地被安排坐左張四人台，相當寬敞，之後職員就比左醬料我地選，每款都有Label寫左係咩，唔洗估估下，幾貼心～我地開始就揀野食啦，首先選湯底，佢地除左雞煲外，亦可以直接叫火鍋湯底，同埋我地見到牆身有小菜叫。最後都係揀左半隻重慶麻辣雞煲（兩個人岩岩好）由於未食過，所以揀BB辣試下先。先食雞煲，D雞足料半隻，有肉有骨，上煲時已經岩火喉，所以愈食愈惹味，醬汁帶少少甜。食完雞煲加湯後，我地就可以開始打邊爐啦～我地叫左烏冬、響鈴、肥牛。呢度上菜好快手，大家可以差不多食完雞煲先落單～烏冬彈牙，響鈴要推薦，因為呢度係即叫即炸，同出面食既唔同，熱辣辣好香脆，沾左雞煲既汁冇得頂！肥牛個肥瘦岩岩好，咬口唔錯，另外會幫你剪成細細塊方便食～兩人份量其實差唔多，或者可以叫個菜黎幫助消化。餐廳做緊推廣活動，七點半前走，配菜