南大門

營業中

休息中

今晚黎左係鯉魚門既南大門食飯，坐２０號台一行９個人，會黎食野都係聽到朋友介紹話呢度唔錯，風景又靚。但就麻煩Ｄ落車之後一定要行入去，無得再坐車。開頭都有Ｄ想是但搵間食就算，呢間野仲要係最督督入面果度。但黎到就覺得好彩無搵第二個，間野個景真係飽覽維港，有Ｄ後悔無早幾日出黎，如果１０月１果日黎左就可以睇埋煙花。唔講其他野啦，間野自己係無野食提供，一定要自己去買左海鮮先。因為我地一行９個人，咁就買返９份咁樣。分別就食左：姜蔥炒龍蝦、豉椒炒蜆、蒜蓉粉絲蒸元貝、阿拉斯加蟹、椒鹽瀨尿蝦、清蒸花子班、冰鎮飽魚同埋飯後甜品可能食海鮮就係要食佢既新鮮，所以佢點煮我都覺得係好食。而家仲係黃金週，所以人都算比較多，要多謝服務員英姐。就算係忙到分身不瑕，佢都唔會怠慢我地，依然好耐心咁逐張台去服務，唔會話窒窒膊唔記得。整體黎講成個印象都幾好，會再黎食野。