蟹仙海鮮蒸碢大公館

營業中

休息中

我同朋友都好鍾意食海鮮，今次又來咗食蟹仙食蒸海鮮，不過是銅鑼灣分店。叫咗兩個尊貴海鮮套餐，套餐包括野生膏仔蟹、韓國釜山鰻魚、澳洲青年龍蝦、台灣九孔鮑魚、野生青口、野生海虎蝦、珍珠蠔、黃金翡翠螺、蟹黃大元貝、有機蔬菜拼盤及粥底。海鮮保持一貫水準，鮮甜新鮮，尤其以下幾樣特別好食：野生膏仔蟹蟹非常之肥美，滿滿的蟹膏，甘香可口，蟹肉紮實，鮮甜美味。澳洲青年龍蝦龍蝦非常鮮甜，肉質飽滿，爽口彈牙，非常好食。釜山鰻魚第一次食蒸鰻魚，平時都係食燒，鰻魚非常之鮮味，一啲腥味都冇，肉質爽口，配上Wasabi及豉油，美味。野生青口蒸嘅青口非常之鮮味，係我食過數一數二好食嘅青口。台灣九孔鮑魚鮑魚都幾厚身，肉質爽口彈牙，不錯。最後，仲有甜品送，椰汁雪燕，作為一個完美嘅結束，非常滿足的一餐。