Burgeroom (美麗華廣場1期) (已結業)

今日又喺尖沙咀收工， 約咗個好多年冇見嘅朋友吹水， 朋友話想食美食餐廳，就揀咗呢一間。去到先發現原來之前食過銅鑼灣嗰間，都唔錯 ，可以一試。 叫咗一份鵝肝雞柳漢堡， 一份香脆彈骨雞翼配蜜糖芥末醬，同埋一杯asahi啤酒。先來一份雞翼，賣相好靚炸到金黃色， 食落口外面嗰層脆脆十分惹味， 入面啲雞肉好嫰， 雞翼好大隻，連埋啲芥末醬一齊食，完全沒有熱氣嘅感覺。 另外嗰個鵝肝雞柳漢堡 ，鵝肝真係好厚好大嚿 ，食落口啲鵝肝香味滲滿曬係個口腔入邊， 配埋蕃茄、洋蔥、雞柳 、生菜， 真係十分之高質素 ，加一杯ASAHI啤酒，成件事真係冇得彈，又係一個愉快嘅下午。