古今二 (荃灣千色匯I) (已結業)

今日同女朋友落咗荃灣行街，每次去荃灣都好開心，睇戲行緊去買衫，跟住就食餐飯。我今日去千色匯試咗一間日本菜，味道非常好，所以諗推介一下。古今二 日本菜居酒屋，餐廳喺荃灣千色匯1期3樓。餐廳地方都算闊落，裝修方面非常整潔，而且店員好有禮貌。超級龍捲風 88元，有鰻魚，海老，芝士，青瓜，脆片。超級龍捲風，賣相好吸引，壽司包住隻炸蝦，加少少脆片芝士青瓜，令到口感同味道都提升一個層次，蝦肉炸完仲係好鮮，甜肉質爽口彈牙。鹿兒島黑豚荔枝卷串燒 32元，黑豚肉，燒到啱啱好豬肉味香，最特別就係中間粒荔枝，令到黑豚肉鮮味提升。柚想蝦你 98元，沙律食材非常豐富，有蟹籽，柚子，甜蝦，牛油果，梨，沙律菜，蕃茄仔。柚子味道甜酸酸甜甜，估唔到配搭埋牛油果同蟹籽，可以令到個鮮味咁突出。最鍾意就係食柚子同梨，有口感味道又清新。牛肉壽喜鍋 208元，壽喜鍋非常吸引，上面鋪滿一層牛肉，牛肉色澤紅潤，加上脂肪分布均勻，好有牛肉味，入口牛肉味香濃肉質嫩滑，其他配料分別有冬菇、金菇、豆腐，野菜。最正就係加咗隻日本蛋落去，成個鍋底味道非常鮮甜。豆腐口感香滑幼細，豆腐味香濃。真係好好味，呢個簡直係必食嘅推介。