川滿居 (京都廣場)

營業中

休息中

六點幾去到，好少人，不過接近七點就差不多滿座，手機落單非常方便。片皮鴨 (半隻) HK$ 168，片皮鴨又薄又脆，一上台就要趁熱食，好快就會凍，肉質也嫩，好好食。
金湯酸菜魚都幾大碗，酸菜好惹味，就算唔係好食得辣，都好想食，魚片都好多，裏面仲有薯粉、菇等配料，辣度可以揀唔辣、BB辣、小辣、中辣、大辣，方便不同口味嘅朋友。
黃金蝦球，超大隻蝦，鋪滿黃金蛋黃，送飯一流，又啖啖肉。
甜品是紅糖糍粑，簡簡單單糯米做成的條，配上糖漿好好味，這個甜品就算幾飽都忍唔住食幾條。