正宗水上人氣鍋專門店 (已結業)

之前見朋友facebook post相, 話好正既海鮮大餐, 所以今日約埋朋友黎食。呢到樓高3層, 我地預先book定位, D位都幾寬敞, 冷氣又夠晒凍!我地點左個每人$498/位, 都幾多海鮮, 有南非龍蝦, 美國石蠔, 胭脂蚌, 聖子皇, 鳳凰蚌等, 粥底就係豬骨南瓜粥。隻南非龍蝦好新鮮, 落鍋蒸時, 仲識跳! 肉質彈牙同帶有鮮甜味。全程有專人幫我地蒸海鮮, 時間較得好好, 唔會過熟。花蟹仔好甜!蜆肉帶有海水鮮味! 無沙!聖子皇好大隻, 好甜好彈牙!第一次食鳳凰蚌, 好鮮甜, 原來好好味!胭脂蚌好肥, 好鮮甜同帶有海水鹹味!罕有冰菜食, 好正!美國石蠔好肥美, 有蠔味!粥係海鮮精華所在, 鮮甜美味!鹽都唔洗落。