Nunu燒 (已結業)

好耐冇食過刺身丼飯同埋壽司，今晚同老公一齊 去中環和安里嘅nunu燒食晚餐。餐廳嘅格局係居酒屋，餐牌好豐富，有刺身壽司，丼飯，煮物，炸物，一應俱全。我哋叫咗一個海膽魚生飯，加25蚊轉定食，定食包括沙律，湯，前菜同甜品。呢度係qr code下單，用手機睇menu，有曬圖片好清晰。海膽魚生飯有海膽，希靈魚，油甘魚同三文魚，份量都唔少，每片魚生都有一定厚度，好大塊。另外我們仲叫咗鵝肝壽司，鵝肝大大件，煎得外脆內嫩，好juicy，甘香可口。另外都叫咗黑松露油甘魚壽司，壽司充滿黑松露香味。