Bellevue Bar and Grill (已結業)

呢日嚟到油麻地樓上餐廳，佢嘅級別都係偏fine dining嘅級別~入面嘅裝修都幾靚，仲有勁大個心心佈置，如果紀念日又或者情人節黎食真係一流！一入到黎店員都有介紹吓個餐牌先，我哋就散叫，冇叫餐～我哋叫咗個黑松露薯條，半份豬肋排，安格斯肉眼扒，仲有個白鴿胸意大利飯，同埋仲有一個火焰雪山甜品！猪肋排夠晒咬口，啲燒烤醬同埋啲豬肉一齊食簡直係一流！仲有伴碟嘅薯蓉，夠晒香滑，夠晒creamy~伴碟仲有啲蔬菜，都係燒過嘅～夠晒精緻！黑松露薯條，係黑松露醬，薯條夠晒熱辣辣，再點上黑松露醬一齊食真係好香松露味！咁我食到一條接一條完全停唔到口！之後係安格斯肉眼扒，我哋叫咗七成熟，出到嚟結果都係非常之咁嫩滑亦都唔會好鞋口，食落超有牛味！生熟程度啱啱好！之後就係白鴿胸意大利飯，個飯夠晒creamy!食落聞到勁香忌廉味！仲有啲牛肝菌喺入邊都好香！啖飯連埋牛肝菌食簡直一流～店員都有提我地個risotto係比較硬，問我地駛唔駛淋d,我哋就鍾意林啲，所以就揀咗林啲，結果出到嚟就非常之啱食～最後以火焰雪山完美作結，完美嘅一夜。