鐵板燒雪舟

營業中

休息中

之前男朋友病咗 同佢好耐冇見 所以Weekend專登去搵啲好嘢食慶祝 黎到銅鑼灣呢間鐵板燒雪舟食席前烹調嘅鐵板燒 叫左個價位最高既Lunch Set - 商務二人前 沙律 首先呢做個簡簡單單嘅沙律開下胃 呢度嘅沙律撈咗沙律醋 加埋蕃茄仔同新鮮沙律菜 酸酸甜甜之餘又爽甜茶碗蒸 面頭淋咗個有菇菌嘅芡汁 而個蒸蛋調味好而且好滑法國鴨肝 煎香咗嘅鴨肝表皮焦脆 內裏嫩滑 一食落口油脂感即湧出 底層配咗翠玉瓜吸油兼解膩 如果旁邊可以再配塊麵包就會更好活龍蝦 用嘅係西澳龍蝦 師傅幫忙將龍蝦起肉加上龍蝦膏同牛油醬汁伴炒 肉爽甜彈牙海苔醬汁高湯鮑魚 鮑魚會加酒煮熟 配埋醬汁 爽彈鮮甜美國肉眼薄燒 肉眼薄燒油脂分佈平均 食落唔會鞋口 而係帶有油脂感炒飯用左野沢菜/煙肉/蔥粒/雞蛋作配料 野沢菜係日本三大漬菜之一 不過加左漬物會令炒飯有少少帶酸 我就比較鍾意食只有咸味既炒飯 所以如果個人口味有特別要求 記得要同師傅講聲時令炒菜 椰菜加埋冬菇 一餐有啲蔬菜落肚感覺健康啲Fresh啲 味噌湯 食完一餐可以飲啲熱湯暖下胃日本水果 當日係跟日本蜜瓜 熟咗蜜瓜非常香甜 亦為呢餐劃上完美句號