金山海鮮酒家 (已結業)

其實三五知己食個飯總唔需要理由既，食黎食去咪又係果幾個人🤣，不過今次話係食生日飯囉，但hea到連枱都冇訂。好彩都有位唔駛等，老牌海鮮酒家地方就簡陋啲冇咩裝修，但記得幾年前都食過係好味既，唔知水準有冇keep到呢！粉葛赤小豆瘦肉湯，果然係老火湯，冇味精夠火喉，呢啲天氣飲岩晒消暑又去骨火。招牌雲英雞比一般既雞略為細隻，但夠嫩滑不愧為招牌菜👍🏻　黃金墨魚餅，粉唔多有咬口，當中撈有墨魚粒夠爽口彈牙蝦醬炒通菜，味道適中，平時食開好多地方都會太過濃味的最後就係呢個購自（東海堂）既個生日蛋糕🎂😂，細細個的的式式咁，cream唔多有海棉蛋糕加多層啫喱，呢個飯後甜品確係唔錯。