牛品台式火鍋

營業中

休息中

呢個放題套餐 120 分鐘任食。肉、海鮮、蔬菜都係任食，食完後仲有甜品可以食。肉類中個人最鍾意嘅係日本宮崎縣 A5 和牛、澳洲 M9 和牛肩胛肉。A5 級數嘅宮崎和牛，大理石紋理細緻分明，稍微涮吓放入嘴裡，入口即化，透出甜味，好食。M9 和牛肩胛肉牛味足，甜香爽口，肉質細嫩，同時肉中夾帶極細嘅筋增加咗嚼勁，令口感更豐富。仲有免費贈送嘅鮮活鮑魚柔嫩細滑，爽口彈牙嘅口感，擁有極高營養價值，鹹甜味道適中，仲殘留住海水嘅味道。而湯底最鍾意嘅係青花椒和牛鍋，係一鍋味道好豐富嘅湯底，微微嘅辣味仲帶少少麻麻嘅感覺，飲落去時有少少酸酸地，非常開胃。梗係仲有其他小食都係任食嘅，我個人比較鍾意嘅有：🩵新西蘭青口💙海蝦🤍蜆💛椒鹽蝦每一道小食都好新鮮可口，呢度嘅食物質素絕對保證你會滿意。