金亞淶泰國餐廳

營業中

休息中

我以前返工在荔枝角，最鐘意放工後就去行下「香工」，我諗好多人都知「香工」係好多衫褲嘅批發喺嗰度，所以今日放假架要約朋友去呢度尋寶，行到攰家要搵嘢食下啦，眼前見到有間「金亞廿萊泰國餐廳」一於去試吓啦。泰式生蝦生蝦🍤好新鮮及大隻，食落去好爽口好鮮甜，加埋啲泰式汁辣辣地酸酸甜甜好開胃。泰式火山骨一上枱嘩見到勁大件啊，豬肉好入味及汁係辣辣地，酸酸地好開胃，同埋啲豬肉炆得好冧。泰式蝦餅蝦餅炸得外皮好脆，同埋果蝦餅都幾大件好抵食。椰皇三重奏食完個豐富晚餐架要食返個甜品做過結尾啦，呢個椰皇三重奏，佢有啲似大菜糕，佢內有椰清肉、椰汁🥥及椰青整成嘅大菜糕咁，好清甜好好味。