影片
更多
2020-10-08
814 瀏覽
疫情期間成日困在家中，心情同食慾都差左😭決定今晚要對自己好D！去尖沙咀The Captain’s House 美式海鮮餐廳豪食一餐！😌前菜點左路易斯安雅特色蟹餅($98) 蟹餅食落口感較實淨，蟹肉份量超多，每一啖都充滿蟹嘅鮮味。配上自家製酸酸地嘅醬食幾開胃！主角出場 - Seafood platter！客人可以自己揀想食嘅海鮮拼盤，分別可以選擇3種、5種或8種海鮮，然後再可揀海鮮嘅種類，例如有小龍蝦、青口、小八爪魚、活蜆、扇貝、松葉蟹腳等等。最後再揀一種醬汁。我地今次就揀左signature嘅卡薑蒜蓉汁。餐廳都非常貼心地準備左小圍裙、膠手套，客人可以用手食又唔洗擔心整污糟件衫同隻手！上檯嘅時候我地都好期待！侍應抱住一個滿滿嘅藍色網包住嘅大袋，之後shake呀shake，令醬汁沾滿喺所有食材上。打開魚網大袋一刻，香氣四溢，聞到都已經流口水🤤！除左蝦 、蜆同青口每款十件之外，仲有豬肉腸、粟米、薯仔做配菜。每款食材都沾滿濃郁嘅醬汁，實在好味到停唔到口！每款海鮮都好鮮甜：蝦肉爽口彈牙、蜆肉同青口隻隻都非常飽滿而且肉質鮮甜。香煎刺身帶子意粉($155) 帶子輕煎至表面帶點輕微焦香，一切開內裡仍然
前菜點左路易斯安雅特色蟹餅($98) 蟹餅食落口感較實淨，蟹肉份量超多，每一啖都充滿蟹嘅鮮味。配上自家製酸酸地嘅醬食幾開胃！
主角出場 - Seafood platter！客人可以自己揀想食嘅海鮮拼盤，分別可以選擇3種、5種或8種海鮮，然後再可揀海鮮嘅種類，例如有小龍蝦、青口、小八爪魚、活蜆、扇貝、松葉蟹腳等等。最後再揀一種醬汁。我地今次就揀左signature嘅卡薑蒜蓉汁。餐廳都非常貼心地準備左小圍裙、膠手套，客人可以用手食又唔洗擔心整污糟件衫同隻手！
上檯嘅時候我地都好期待！侍應抱住一個滿滿嘅藍色網包住嘅大袋，之後shake呀shake，令醬汁沾滿喺所有食材上。打開魚網大袋一刻，香氣四溢，聞到都已經流口水🤤！除左蝦 、蜆同青口每款十件之外，仲有豬肉腸、粟米、薯仔做配菜。每款食材都沾滿濃郁嘅醬汁，實在好味到停唔到口！每款海鮮都好鮮甜：蝦肉爽口彈牙、蜆肉同青口隻隻都非常飽滿而且肉質鮮甜。
香煎刺身帶子意粉($155) 帶子輕煎至表面帶點輕微焦香，一切開內裡仍然晶瑩剔透，火喉剛剛好。好中意佢個意大利粉口感煙韌，醬汁味道又香又濃。👍🏻🥰
New York Cheesecake ($78) 呢件芝士蛋糕同出面食到嘅好唔同，個餅底完美無瑕地融入左個蛋糕裡面，食落會有粒粒餅底，而且芝士味超濃郁，岩哂中意食芝士嘅朋友！
食好西點少得叫番杯冰凍嘅野飲解渴呢？點左杯用茶做base嘅purple moon：用蝶豆花茶同粒粒蜜桃肉製成；green tea mojito ($68)兩杯野飲味道都清淡唔會太甜，中和番食物嘅濃味。
張貼
