Chotto Maki (廈門街) (已結業)

抗疫期間，多咗買外賣返屋企，但係一般茶餐廳食到悶，今日要來點新意，上網搵到灣仔一間食日式飯卷嘅專門店。堂食同外賣都得，但係lunch時段較多人，所以外賣回家啱曬。Beefiyaki $72 一盒四件，大大件，裏面材料好豐富，有牛油果，腐皮，照燒牛肉，面頭仲有炸蒜同埋魚子，夠飽肚。C-DRAGON $72 一盒八件，飯卷包著番薯天婦羅，面頭仲有炸鰻魚。番薯夠香甜，炸得鬆脆唔油膩，配合鰻魚汁同沙律醬，創意又美味。火焰hamachi壽司$54Hamachi用火槍燒嗰特別香，酸酸甜甜的醬汁，清新肥美。